ខ្សែកម៉ាកដ៏ល្បី មានតែ ៣ លើលោក ក្នុងនោះស្ត្រីខ្មែរ លោកជំទាវ យឹម ឆៃលីន ជាម្ចាស់មួយ ស្រោបពេជ្រ ១៧៧១ គ្រាប់

សព្វមួយដង ឱ្យតែ លោកជំទាវ យឹម ឆៃលីន បង្ហាញខ្លួន មិនថាជីវិតប្រចាំថ្ងៃ ឬ ចូលរួមកម្មវិធី តែងទទួលបានការចាប់អារម្មណ៍ខ្លាំង ទៅលើការស្លៀកពាក់តុបតែងខ្លួន។​ ពិតណាស់! ក្រៅពីរូបសម្រស់ក្មេងវ័យ លោកជំទាវហាក់ប៉ិនប្រសប់ក្នុងការជ្រើសរើសសម្លៀកបំពាក់ និង គ្រឿងលម្អតុបតែងខ្លួន ដែលមើលមកលេចធ្លោលំដាប់ខ្ពស់។

ដូចថ្មីថ្មោងនេះ តាមរយៈវីដេអូ និង រូបភាពបង្ហោះនៅលើបណ្តាញសង្គម Instagram និង ហ្វេសប៊ុក ឃើញថាលោកជំទាវបានពាក់ខ្សែកពេជ្រមួយខ្សែ មានលក្ខណៈប្រណីតខ្លាំង ដាំលម្អត្បូងចែងចាំង រីឯម៉ូដ ក៏ហ្វេហ្សិនស៊ីវិល័យផងដែរ។

ខ្សែកម៉ូដរាងបែបក្រវាត់នេះ បើតាមការស្រាវជ្រាវ វាជាខ្សែកពីម៉ាកដ៏ល្បីរបស់បារាំង Hermès ស្ថិតក្នុងខូឡិកហ្សិនគ្រឿងលម្អប្រណីត និង លំដាប់ខ្ពស់មួយ បង្កើតជាពិសេស ឈ្មោះថា  Kellymorphose។ ខូឡិកហ្សិននេះត្រូវបានរចនាឡើងដោយ លោក  Pierre Hardy ជាអ្នកច្នៃម៉ូដហ្វេហ្សិនបារាំងដ៏ល្បី ហើយក៏ជានាយកច្នៃប្រឌិតប្រចាំគ្រឿងអលង្ការ Hermès។ គ្រឿងអលង្ការ Kellymorphose ត្រូវបានគេចាត់ទុកជាខូឡិកហ្សិនដ៏កម្រ ជាម៉ូដដ៏គួរឱ្យចង់បានបំផុតនៅក្នុងលោក។

នៅក្នុងខូឡិកហ្សិន Kellymorphose ខ្សែកនេះមានឈ្មោះថា KELLY GAVROCHE វាត្រូវបានដកស្រង់ពីក្រវាត់កាបូប Kelly រចនាឡើងពីមាសស និង​ ស្រោបដោយពេជ្រចំនួន ១៧៧១ គ្រាប់។​

ទន្ទឹមគ្នានេះ លោកជំទាវ Dana Hak ដែលនិយមប្រើកាបូប Hermès ផងនោះ លោកជំទាវក៏បាន Share រូបភាព លោកជំទាវ យឹម ឆៃលីន ដែលពាក់ខ្សែកនេះផងដែរ។ ហើយថែមទាំងបានសរសេរភ្ជាប់ Caption យ៉ាងខ្លីថា៖ «Only 3 pieces in the world , and she got one» ដូច្នេះបានន័យថា ខ្សែកនេះ​មានតែ ៣ ប៉ុណ្ណោះនៅលើពិភពលោក ហើយ លោកជំទាវ យឹម ឆៃលីន គឺជាម្ចាស់មួយក្នុងចំណោមនោះ៕