អ្នកនិយមតាមដានស្តាប់ចម្រៀងថ្មីរបស់ក្រុមតារាចម្រៀងរ៉េប La Cima Cartel ថ្មីៗនេះ ច្បាស់ជាបានស្តាប់មកហើយនូវបទចម្រៀង «Come To Me» បកស្រាយដោយ លោក Mut Phearin និង លោក Meezy 24K ព្រមទាំងមានការចូលរួមបកស្រាយពីសមាជិករួមទ្រនំរបស់ La Cima Cartel ដែលជាកូនពៅរបស់ +855 គឺលោក Monetrey Ek ផងដែរ។
ជាការពិត លោក Monetrey Ek មិនមែនជាសិល្បករថ្មីក្នុងវិថីសិល្បៈនោះទេ ពោលគឺតារាចម្រៀងប្រុសកូនកាត់ខ្មែរ-បារាំងរូបនេះ បានឈរលើវិថីសិល្បៈមួយរយៈធំហើយ ដោយលោកបានផលិតបទចម្រៀងទទួលបានការគាំទ្រជាច្រើន។
ក្នុងនោះ ចម្រៀងជាស្នាដៃផលិតរបស់លោក Monetrey Ek ភាគច្រើន គឺបកស្រាយជាភាសាអង់គ្លេស រួមមានបទ «Love And Sunshine», បទ «Far», បទ «Saturday Night» និង បទចម្រៀងជាច្រើនទៀត។
ជាក់ស្តែង កាលពីចុងឆ្នាំ ២០២៤ កន្លងទៅនេះ លោក Monetrey Ek បានបញ្ចេញបទចម្រៀងថ្មីរួមគ្នានឹងសមាជិក La Cima Cartel ២ រូប គឺលោក Mut Phearin និង លោក Meezy 24K នូវបទមានចំណងជើងថា «Come To Me» ដែលចម្រៀង និង MV បទនេះ គឺជាផលិតដោយផ្ទាល់ពីលោកតែម្តង។ ជាងនេះទៅទៀត នៅក្នុងពេលឆាប់ៗខាងមុខនេះ តារាចម្រៀងកូនពៅរបស់ +855 និង បញ្ចេញ Album ទោលរបស់ក្នុងឆ្នាំ ២០២៥ នេះ៕
