អ្នកឧស្សាហ៍ឈឺឆ្អឹង កៀបសសៃ! ប៉ុន្មានថ្ងៃទៀត នៅពេទ្យគៀនឃ្លាំង មានផ្ដល់ជូនការពិនិត្យ ព្យាបាលបញ្ហាឆ្អឹង ១០ មុខ ដោយក្រុមគ្រូពេទ្យមកពីនូវែលសេឡង់

នៅថ្ងៃទី ០២ ខែកក្កដា ឆ្នាំ ២០២៥ មជ្ឈមណ្ឌលវះកាត់កុមារ ហៅថាពេទ្យគៀនឃ្លាំង បានជូនដំណឹងឱ្យបានដឹងថា ខាងមន្ទីរពេទ្យបានសហការណ៍ជាមួយក្រុមគ្រូពេទ្យប្រទេសនូវែលសេឡង់ ជំនាញផ្នែកឆ្អឹងខ្នង ផ្តល់ជូនការពិនិត្យព្យាបាល និង វះកាត់ឆ្អឹងខ្នង ចាប់ពីថ្ងៃទី ១១ ដល់ថ្ងៃទី ១៥ ខែសីហា ឆ្នាំ ២០២៥ ខាងមុខនេះ។

ចំពោះការផ្ដល់ជូននេះ គឺសម្រាប់ព្យាបាលអ្នកជំងឺ ដែលមានបញ្ហាឆ្អឹងចំនួន ១០ មុខ ដែលមានដូចជា៖
១. ឆ្អឹងខ្នងវៀច
២. ឈឺឆ្អឹងខ្នង
៣. គៀបឆ្អឹងខ្នង
៤. លានទ្រនប់ឆ្អឹងកង
៥. គៀបសសៃ
៦. គៀបឆ្អឹងកងក
៧. ដុំឆ្អឹងខ្នង
៨. ពុកឆ្អឹងខ្នង
៩. ខូចឆ្អឹងខ្នងពីកំណើត
១០. ពុកឆ្អឹងខ្នង

សម្រាប់បងប្អូនដែលមានបញ្ហាខាងលើ អាចអញ្ជើញទៅចុះឈ្មោះពិនិត្យជាមុនសិន ដើម្បីឱ្យគ្រូពេទ្យដឹងថា អ្នកជំងឺឈឺអ្វីឱ្យប្រាកដ ដើម្បីងាយស្រួយក្នុងការដាក់កម្មវិធីជាមួយក្រុមគ្រូពេទ្យនូវែលសេទ្បង់ កុំឱ្យមានការរង់ចាំយូរ។ ចំពោះការពិនិត្យព្យាបាលនេះ គឺអ្នកក្រីក្រ ព្រមទាំងក្មេងអាយុ ១៦ ឆ្នាំចុះ គឺពិនិត្យ និង វះកាត់មិនគិតថ្លៃទេ (សូមយកបណ្ណសមធម៌ សេចក្តីចំលងកំណើតមកជាមួយ) ហើយសម្រាប់អ្នកមានលទ្ធភាព អាចជួយបរិច្ចាគថវិកាទ្រទ្រង់មន្ទីរពេទ្យតាមលទ្ធភាពរបស់ខ្លួន។ ព័ត៌មានបន្ថែមអាចទាក់ទងទៅលេខ ០12 807 679៕