អ្នកប្រើ ប.ស.ស! ករណីពេទ្យផ្ដល់ការព្យាបាលមិនត្រឹមត្រូវ ឬមានភាពមិនប្រក្រតីណាមួយ ប្រញាប់រាយការណ៍តាមវិធីនេះភ្លាមកុំទុកយូរ

នៅថ្ងៃទី ២៥ ខែកុម្ភៈ ឆ្នាំ ២០២៥ បេឡាជាតិសន្តិសុខសង្គម បានចែករំលែកដំណោះស្រាយ ៖ «តើត្រូវធ្វើបែបណា ប្រសិនបើគ្រូពេទ្យផ្ដល់ការព្យាបាលមិនត្រឹមត្រូវ ឬមើលឃើញមានភាពមិនប្រក្រតីណាមួយ នៅពេលទៅទទួលសេវានៅមូលដ្ឋានសុខាភិបាលដៃគូ ប.ស.ស.?»។

ចំពោះករណីនេះ បេឡាជាតិសន្តិសុខសង្គម បានបញ្ចាក់ឱ្យបានដឹងថា ប្រសិនបើគ្រូពេទ្យផ្ដល់ការព្យាបាលមិនត្រឹមត្រូវ ឬមើលឃើញមានភាពមិនប្រក្រតីណាមួយ នៅពេលទៅទទួលសេវានៅមូលដ្ឋានសុខាភិបាលដៃគូ ប.ស.ស. លោកអ្នកត្រូវរាយការណ៍ភ្លាមៗទៅ ប.ស.ស. តាមរយៈបណ្តឹងអនាមិក ដោយគ្រាន់តែស្កែន QR Code ដែលមាននៅក្នុង Poster ខាងក្នុងលិខិតខាងក្រោម និង ត្រូវរាយការណ៍ដូចជា ៖

១. ឈ្មោះមូលដ្ឋានសុខាភិបាល ឬ បុគ្គលិកណាមួយក្នុងមូលដ្ឋានសុខាភិបាល។

២. បរិយាយអំពីសកម្មភាពមិនប្រក្រតី ឬ ការប្រព្រឹត្តខុសវិជ្ជាជីវៈ នៃបុគ្គលនោះ។

ក្នុងនោះ សម្រាប់ព័ត៌មានបន្ថែមសូមទំនាក់ទំនងទៅកាន់លេខ ១២៩៧ ឬ ១២៨៦ ឬតាមរយៈប្រព័ន្ធផ្សព្វផ្សាយបណ្តាញសង្គមរបស់បេឡាជាតិសន្តិសុខសង្គម៕

សូមរក្សាទុក QR ដែលមានដូចក្នុងលិខិតខាងក្រោម សម្រាប់រាយការណ៍ ៖