ចាប់តាំងពីរៀបការបង្កើតគ្រួសារដ៏កក់ក្ដៅជាមួយស្វាមីមក ពិធីការិនី ហ៊ិន ច័ន្ទនីរ័ត្ន កាន់តែត្រូវបានមហាជនចាប់អារម្មណ៍ពីជីវិតឯកជនរបស់អ្នកនាងទ្វេដង ជាពិសេសពេលអ្នកនាងសម្រាលបានកូនប្រុសដំបូងមុខមាត់គួរឱ្យក្នាញ់ ព្រមជាមួយឈ្មោះយ៉ាងពីរោះថា ឌី ពេជ្ររ័ត្នបញ្ញាបុត្រ។
កំលោះតូចដែលជាតំណក់ឈាមដំបូងរវាងតារាស្រីដ៏ល្បីល្បាញ អ្នកនាង ហ៊ិន ច័ន្ទនីរ័ត្ន និង លោក ឌី ពេជ្រ បានធំធាត់ឡើងជាមួយមុខមាត់ឃ្យូដគួរឱ្យស្រឡាញ់ខ្លាំងណាស់ ក្រោមការមើលថែយ៉ាងយកចិត្តទុកដាក់ពីឪពុកម្ដាយ និង ក្រុមគ្រួសារសាច់ញាតិ។
យ៉ាងណាមិញ ខណៈកំលោះតូច បញ្ញាបុត្រ ទើបអាយុបានប៉ុន្មានខែ ស្រាប់តែអ្នកម៉ាក់រូបស្រស់ ហ៊ិន ច័ន្ទនីរ័ត្ន បង្ហើបខ្សឹបៗប្រាប់អ្នកគាំទ្រថា អ្នកនាងចង់បានកូន ២ នាក់បន្ថែមទៀត គ្រាន់បានជាគ្នានឹង បញ្ញាបុត្រ ដើម្បីរត់លេងជាមួយគ្នាកុំឱ្យស្ងាត់ផ្ទះ។
ដ្បិតថាមមាញឹកនឹងការងារសិល្បៈផង និង ត្រូវមើលថែមុខជំនួញផ្ទាល់ខ្លួនផង ប៉ុន្ដែក្នុងនាមជាអ្នកម៉ាក់ថ្មីថ្មោង ហ៊ិន ច័ន្ទនីរ័ត្ន និង ស្វាមី ឆ្លៀតពេលមើលថែកូនផ្ទាល់ដៃ ដើម្បីផ្ដល់ភាពកក់ក្ដៅចំពោះកូនឱ្យបានពេញទំហឹង។ សូមចុចទីនេះ ដើម្បីទស្សនាវីដេអូ ៖
