WIKU គឺជាហាងកាបូបប៉ាក់ឈ្មោះមួយ កំពុងទទួលបានការគាំទ្រខ្លាំងទាំងក្នុង និង ក្រៅប្រទេស។ បង្កើតឡើងដោយយុវតីឈ្មោះ Si dalis នាងមានអាយុទើបតែ ២១ ឆ្នាំ ដែលត្រូវបានគេស្គាល់ជាសិស្សនិទ្ទេស A និង ជាអ្នកបង្កើតមាតិកាដ៏មានប្រជាប្រិយភាពមួយរូប។
បើតាមការបង្ហោះវីដេអូនៅលើបណ្តាញសង្គម TikTok យុវតី Si dalis ថា ក្រោយនាងរៀនចប់បាក់ឌុប នាងបានសិក្សាជំនាញកាត់ដេរពីគ្រូបរទេស។ បន្ទាប់មកនាងមានគំនិតលក់កាបូបប៉ាក់ឈ្មោះ ដោយចាប់ផ្តើមពីកាបូបដាក់គ្រឿងផាត់មុខ និង ប៉ាក់ឈ្មោះទៅតាមការកុម្មង់របស់អតិថិជន។
ដំបូងឡើយនាងធ្វើតែម្នាក់ឯង ប៉ាក់ម្នាក់ឯង លុះក្រោយមកមានការកុម្មង់ច្រើន ទាំងម៉ូយដុំ និង ម៉ូយរាយ ទាំងក្នុង និង ក្រៅប្រទេស រហូតអាចរីកចម្រើន មានក្រុមការងារ មានអូហ្វីស និង ហាងដូចសព្វថ្ងៃ។
យុវតី Si dalis ថា កាបូបប៉ាក់ឈ្មោះមិនសូវមានទីផ្សារនៅស្រុកខ្មែរទេ ដូច្នេះ នាងចង់ក្លាយជាបុគ្គលម្នាក់ ឬ ម៉ាកយីហោមួយ ដែលដើរទីផ្សារនេះឱ្យបាន។ លក្ខណៈពិសេសរបស់ផលិតផលនាង គឺ ប៉ាក់ឈ្មោះ ឬ ឡូហ្គូនៅលើកាបូប ព្រមជាមួយផលិតផលមានគុណភាពខ្ពស់៕
