អាយុលែងជាបញ្ហា ស្នេហាលែងជាការកង្វល់ តែអ្វីដែលឱ្យផល ពេលនេះកំពុងមានក្តីសុខ ស្គាល់រសជាតិឋានសួគ៌លើគ្រែ ប្តូរដៃគូរាប់មិនអស់។ ជាក់ស្តែង នេះគឺជារឿងពិត ដែលកើតឡើងលើស្ត្រីជនជាតិអង់គ្លេសម្នាក់អាយុ ៧០ ឆ្នាំ ក្រោយនាងបានលែងលះប្តីអស់រយៈពេលជាង ៣៤ ឆ្នាំ។
ស្ត្រីរូបនេះមានឈ្មោះថា Tina Pemberton បច្ចុប្បន្ន នាងមានទាំងកូនរហូតដល់ចៅ។ ជីវិតជាស្ត្រីមេម៉ាយមិនជាប់ចំណង នាងកំពុងសប្បាយរីករាយនឹងសេរីភាពក្នុងការណាត់ជួបដៃគូថ្មីៗ តាមរយៈ dating app ដែលប្រើលើទូរស័ព្ទដៃ។
នាងបាននិយាយថា នាងស្រលាញ់ជីវិតនាងពេលនេះ ជាជីវិតមានក្តីសុខផ្លូវភេទបំផុតនៅវ័យចំណាស់។ នាងមានអារម្មណ៍ក្មេងជាងមុន បន្ទាប់ពីនាងបាន ប្រើ dating app ដែលជាកម្មវិធីស្វែងរកដៃគូ ហើយបានជួបបុរសថ្មីៗរួមដំណេកជាច្រើនដង។
នាងបានប្រាប់សារព័ត៌មានអង់គ្លេស Jam Press ថា ឥលូវនេះនាងកំពុងរស់នៅក្នុងជីវិតបែបយុវវ័យ នាងមានអារម្មណ៍មិនចេះចាស់ និង បានក្លាយជាមនុស្ស ដែលមានសុភមង្គលបំផុត ឬអាចថាជីវិតប្រសើរជាងកាលពីជាង ២០ ឆ្នាំមុន។
រម្លឹកជីវិតមុនលែងលះស្វាមី Pemberton រស់នៅជនបទក្នុងស្រុក Norfolk នៃប្រទេសអង់គ្លេស ជាកន្លែងដែលនាងបានជាប់ក្នុងជីវិតអាពាហ៍ពិពាហ៍ ដែលគ្មានក្តីសុខ។ ប្តីរបស់នាងមានអាយុចាស់ជាងនាង ១៨ ឆ្នាំ ហើយដោយទំនាក់ទំនងមិនចុះសម្រុងគ្នា នាងក៏សម្រេចចិត្តលែងលះ ហើយផ្លាស់ទៅរស់នៅទីក្រុងឡុងដ៍ ជាកន្លែងដែលកូនប្រុសនាងកំពុងរស់នៅសព្វថ្ងៃ។
ដោយសារមជ្ឈដ្ឋានរស់នៅទំនើប យូរៗទៅនាងត្រូវបានមិត្តភក្តិណែនាំឱ្យប្រើប្រាស់ dating app ដើម្បីស្វែងរកឬណាត់ជួបដៃគូ។ ទីបំផុត នាងបានណាត់ជួបបុរស ដែលស្គាល់គ្នាតាម dating app ហើយបានរួមដំណេកជាលើកដំបូង បន្ទាប់ពីខានឡើងឋានសួគ៌អស់រយៈពេលជាច្រើនឆ្នាំ។
នាងលើកឡើងថា៖ «គេនិយាយថា នៅពេលអ្នកចាស់ទៅ ប្រដាប់ប្រដានឹងស្ងួតបន្តិច ប៉ុន្តែខ្ញុំបានជួបមនុស្សម្នាក់ ដែលដឹងយ៉ាងច្បាស់ថាគួរធ្វើវាបែបណា។ គាត់បានប្រើទឹករំអិល និង ធ្វើអ្វីគ្រប់យ៉ាងធ្វើឱ្យខ្ញុំមានអារម្មណ៍ល្អបំផុត។ វាពិតជាបានការមែន ខ្ញុំសឹងតែមិនគួរឱ្យជឿ។»
បើទោះសព្វថ្ងៃ Pemberton រីករាយនឹងជីវិតផ្លូវភេទជាមួយបុរសតាម dating app ប៉ុន្តែនាងនឹងមិនមានគម្រោងរៀបការម្តងទៀត ឬយកមិត្តប្រុសទៀតឡើយ។ នាងថែមទាំងចង់ក្លាយជាអ្នកតស៊ូមតិទៅលើស្ត្រីចំណាស់ ដែលអាចរីករាយជាមួយជីវិតសិច និង ជីវិតពោរពេញទៅដោយក្តីសុខផងដែរ។ គ្រប់យ៉ាងអំពីនាង សូម្បីតែកូនប្រុសរបស់នាងក៏គាំទ្រពេញទំហឹង៕
ប្រភព៖ NYP
