បន្ទាប់ពីរងចាំជាច្រើនខែដោយក្ដីរំភើប ទីបំផុត ពិធីការិនី ហ៊ិន ច័ន្ទនីរ័ត្ន និង ស្វាមី លោក ឌី ពេជ្រ បានឃើញមុខទាយាទដំបូងហើយ ជាកូនប្រុស ដែលពិធីការិនីរូបនេះបានសម្រាលកូនប្រកបដោយសុវត្ថិភាពតាមធម្មជាតិនៅថ្ងៃទី ៨ ខែកក្កដា ឆ្នាំ ២០២៥ នេះ។
តាមរយៈការបង្ហោះចែករំលែករូបភាពលើហ្វេសប៊ុកពីខាងមន្ទីរពេទ្យ ក៏ដូចជាបងប្អូនសាច់ញាតិ ដែលអបអរស្វាគមន៍កូនប្រុសដំបូងរបស់តារាស្រីរូបនេះពេញដោយក្ដីរំភើប ដែលឃើញថាកូនប្រុសរបស់អ្នកនាង និង ស្វាមី មានមុខមាត់ទ្រលុកទ្រលន់គួរឱ្យស្រឡាញ់ខ្លាំង កាត់រកម៉ាក់ប៉ាម្យ៉ាងម្នាក់។
ទន្ទឹមនឹងនោះដែរ មហាជន ក៏ដូចជាមិត្តក្នុងសិល្បៈជាច្រើន កំពុងបង្ហាញការចូលរួមអបអរសាទរដល់ពិធីការិនី ហ៊ិន ច័ន្ទនីរ័ត្ន និង ស្វាមី ដែលទើបតែទទួលបានកូនដំបូងយ៉ាងគួរឱ្យក្នាញ់រូបនេះផងដែរ៕
