នៅកាលពីថ្មីៗកន្លងទៅនេះ ទំព័រផេកផ្លូវការរបស់ផ្សារទំនើបអ៊ីអនម៉ល ភ្នំពេញ បានប្រកាសពីការបើកដំណើរការបេឡាជាតិរបបសន្តិសុខសង្គម ឬ ហៅកាត់ថា ប.ស.ស នៅក្នុងផ្សារទំនើបជាន់ទី ៣។
ការបើកដំណើរនៃបេឡាជាតិរបបសន្តិសុខសង្គម នៅផ្សារទំនើបអ៊ីអនម៉លនេះ គឺធ្វើឡើងជារៀងរាល់ថ្ងៃ ចាប់ពីម៉ោង ៩ ព្រឹក ដល់ ម៉ោង ១០ យប់ ដែលទីតាំងនេះ ជួយបង្កលក្ខណៈងាយស្រួលដល់បងប្អូនប្រជាពលរដ្ឋដែលរស់នៅក្នុងក្រុង មិនចាំបាច់ចំណាយពេលធ្វើដំណើរឆ្ងាយ។
ចំពោះទិដ្ឋភាពនៃការធ្វើការវិញ គេសង្កេតឃើញថា មានរបៀបរៀបរយ ធំទូលាយ កន្លែងមានផាសុកភាពល្អ ជាពិសេសមានម៉ាស៊ីនត្រជាក់ ងាយស្រួលក្នុងការរង់ចាំរបស់បងប្អូនប្រជាពលរដ្ឋ៕
