បើគិតមកដល់ពេលនេះរយៈពេលប្រមាណជិត ១ សប្តាហ៍ហើយ ដែល Mister Friendship Cambodia 2024 លោក ជា ឧត្តម ហ្វីឌែល កូនកាត់ខ្មែរ-បារាំង បានចាកចេញទៅប្រកួតតំណាងឱ្យកម្ពុជាក្នុងកម្មវិធី Mister Friendship International 2024 នៅឯតៃវ៉ាន់។
ក្នុងដំណើរនៃការតំណាងឱ្យប្រទេសនេះដែរ អ្នកគាំទ្រកម្ពុជាក៏បានរំពឹងខ្ពស់ដល់បុរសឯកតំណាងកម្ពុជាលោក ជា ឧត្ដម ហ្វីឌែល នឹងទទួលបានជោគជ័យជូនជាតិដូចរៀមច្បងលោក លាង វេងហ៊ួរ Mister Friendship International 2023 ដែរ។
ងាកទៅកាន់ដំណើរការនៃការប្រកួតឯណោះវិញ ក្រោយពីទៅដល់តៃវ៉ាន់ហើយ លោក ជា ឧត្ដម ហ្វីឌែល ក៏កំពុងបង្ហាញសកម្មភាពនានា ជាមួយនឹងបេក្ខជនមកពីបណ្តាប្រទេសផ្សេងទៀត មុននឹងឈានដល់វគ្គផ្តាច់ព្រ័ត្រផងដែរ។
លើសពីនោះ អ្វីដែលគួរឱ្យចាប់អារម្មណ៍នាថ្ងៃបង្ហាញខ្លួនក្នុងវគ្គ Traditional Fashion Runway of Mister Friendship International 2024 លោក ជា ឧត្ដម ហ្វីឌែល ឆក់បានការគាំទ្រយ៉ាងខ្លាំងពីសំណាក់អ្នកគាំទ្រគ្រប់បណ្តាប្រទេស ពីឈុតសម្លៀកបំពាក់ប្រពៃណីរបស់ខ្មែរយើង៕
រូបភាព៖ MISSOSOLOGY & POPPORY
