ក្រោយពីការឈ្លានពានពីសំណាក់ប្រទេសថៃមកកាន់កម្ពុជា បណ្តាលឱ្យកងកម្លាំងពលីជីវិត រងរបួស ប្រជាជនក្មេងចាស់ប្រុសស្រីត្រូវជម្លៀស តំបន់ជាច្រើនត្រូវបានកម្ទេច ជាពិសេសនោះគឺប្រាសាទព្រះវិហារ ដែលជាបេតិកភ័ណ្ឌពិភពលោកត្រូវបានរងការខូចខាត បានធ្វើឱ្យប្រជាជនកម្ពុជាឈឺចាប់ និង ចងចាំគ្មានថ្ងៃភ្លេច។
ខណៈនេះ គេបានឃើញបងប្អូនអ្នករកស៊ី ប្រជាជនកម្ពុជាជាច្រើនបានប្តេជ្ញាបញ្ឈប់ការប្រើប្រាស់ផលិតផលនាំចូលពីប្រទេសថៃ ដោយខ្លះបានបង្ហាញសកម្មភាពបណ្តើរៗហើយ ដូចជាការទម្លាក់ប៉ាណូហាងចោល និង ការឈប់ទិញផលិតផលនានារបស់ថៃ។
ដោយឡែក ក្រឡេកទៅមើលហាងផាស្តា និង ភីហ្សា របស់ខ្មែរ ដែលកំពុងទទួលបានការចាប់អារម្មណ៍ គឺហាង ផ្តាស្តា ខននើ បានប្រកាសមិនទទួលសាច់ប្រាក់របស់សៀមចាប់ពីពេលនេះតទៅ នៅសាខាក្រុងប៉ោយប៉ែត ដែលជាប់នឹងព្រំប្រទល់ប្រទេសថៃ៕
