ថ្មីៗនេះ 9GAG បានចេញផ្សាយការសិក្សាថ្មីមួយ ដែលទម្លាយពីដឹងទំហំអាអូនតូច (លិង្គ) ជាមធ្យមរបស់បុរសៗនៅតាមបណ្ដាប្រទេសនានាលើសកលលោក ដែលក្នុងនោះក៏មានទំហំជាមធ្យមរបស់ជនជាតិខ្មែរដែរ។
តាមតារាងចំណាត់ថ្នាក់នៃការសិក្សានោះ បានបង្ហាញឱ្យឃើញថា ប្រទេសអេក្វាឌ័រ គឺស្ថិតលើកំពូលតារាងជាមួយប្រវែងជាមធ្យម ១៧.៦១ សង់ទីម៉ែត្រ។ ចំណាត់ថ្នាក់លេខ ២ បានទៅលើប្រទេសកាមេរូន ដែលមានប្រវែងជាមធ្យម ១៦.៦៧ សង់ទីម៉ែត្រ និង លេខ ៣ បានទៅលើប្រទេសបូលីវី ជាមួយប្រវែងជាមធ្យម ១៦ សង់ទីម៉ែត្រ។ ដោយឡែក ចំពោះប្រវែងអាអូនតូចខ្លីជាងគេបំផុតនោះគឺបានទៅលើប្រទេសកម្ពុជា ដែលជាមធ្យមត្រឹម ១០.០៤ សង់ទីម៉ែត្រប៉ុណ្ណោះ។
គួរបញ្ជាក់ថា ក្នុងការវាយតម្លៃមើលថាតើប្រុសៗក្នុងប្រទេសណាមានអាអូនតូចធំវែងជាងគេបំផុតនោះ ខាងក្រុមអ្នកស្រាវជ្រាវនៅប្រទេសអាល្លឺម៉ង់បានពិនិត្យឡើងវិញលើការសិក្សាថ្មីៗចំនួនជាង ៤០ ដែលពាក់ព័ន្ធនឹងបុរសៗរាប់ពាន់នាក់។ ក្រុមអ្នកស្រាវជ្រាវទាំងនោះបានទាញយកទិន្នន័យលើទំហំអាអូនតូចជាមធ្យមមកពីជិត ៩០ ប្រទេស ដោយការវាស់វែងត្រូវបានផ្ទៀងផ្ទាត់ដាច់ដោយឡែកៗ។
ក្រុមអ្នកស្រាវជ្រាវបានបញ្ជាក់បន្ថែមថា មិនមានអ្វីពាក់ព័ន្ធគ្នាខ្លាំងរវាងកម្ពស់ និង ទំហំអាអូនតូចនោះឡើយ គ្រាន់តែសង្កេតឃើញថាបណ្ដាប្រទេសដែលមានអត្រាអ្នកធាត់ខ្ពស់ ជាទូទៅគឺមានអាអូនតូច តូចជាងគេ៕
ប្រភព៖ 9GAG
