មហាជនសុទ្ធសឹងតែបានជ្រាបពីជីវិតឯកជនរបស់តារាកំប្លែងស្រីល្បីឈ្មោះ ស្រីអ៊ីត ក្រោយពីរស់ក្នុងជីវិតជាស្រ្តីមេម៉ាយដ៏រឹងមាំចិញ្ចឹមមើលថែកូនស្រីតែម្នាក់ឯង និង ឆ្លងការលំបាកជាច្រើនឆ្នាំ មកដល់បច្ចុប្បន្ន ខណៈកូនស្រីធំពេញវ័យ ពេលនេះម្ដាយកូនទាំងពីរ បានចាប់ដៃគ្នាធ្វើការងារសិល្បៈចេញពីកម្លាំងញើសឈាម និង កំពុងរស់នៅយ៉ាងក្ដីសុខសុភមង្គល មានជីវិតធូរធារ។
បើចាប់អារម្មណ៍លើកូនស្រីរបស់កំប្លែងស្រីរូបនេះ គឺ ង៉ា ស្រីណាន ហៅថា ណាន ណាន ធំពេញរូបពេញរាងចូលវ័យ ២០ ឆ្នាំហើយ ដែលមានរូបសម្រស់កាន់តែស្រស់ស្អាត ទាំងរូបរាង មុខមាត់ស្អាតខ្ញង់មិនចាញ់អ្នកម៉ាក់ឡើយ។
និយាយពីសមត្ថភាពវិញ ណាន ណាន បច្ចុប្បន្នបានក្លាយជាតារាស្រីវ័យក្មេងដ៏មានប្រជាប្រិយភាពមួយរូប ដែលនាងមានទេពកោសល្យច្រើនជំនាញទាំងវិស័យចម្រៀង វិស័យបវរកញ្ញា និង អាជីពតារាកំប្លែងកាត់តាមម្ដាយ ដែលអាចរកចំណូលកាក់កបមិនធម្មតាដែរ។
លើសពីនេះ ង៉ា ស្រីណាន កន្លងមក តែងទទួលបានការសរសើរពីចរិតឮកពាគួរឱ្យស្រឡាញ់ និង ភាពកត្តញូរបស់នាង តែងបង្ហាញសកម្មភាពស្ដែងពីក្ដីស្រឡាញ់ទិញរបស់ទ្រព្យជូនអ្នកម្ដាយជាបន្តបន្តាប់។ ជាក់ស្ដែង ថ្មីៗនេះ អ្វីកាន់តែចាប់អារម្មណ៍ទៀត ខណៈបានឃើញតារាកំប្លែង ស្រីអ៊ីត បង្ហាញក្ដីរំភើបចិត្តចំពោះកូនស្រីបណ្ដូលចិត្ត ដែលនាងកាន់តែជោគជ័យលើការងារ តែងជូនលុយកាក់មើលថែអ្នកម្ដាយយ៉ាងកត្តញូក្នុងនាមជាកូនស្រីតែម្នាក់៕
