មហាជនធ្លាប់តាមដានទស្សនារឿង «ទង់ព្រលឹង» ច្បាស់ជានៅចាំនៅឡើយ ពីតួឯកស្រី គឺអ្នកនាង សុវណ្ណ រ៉ាផា ដែលជាតារាស្រីឆ្នើមមួយរូបទទួលបានប្រជាប្រិយភាព តាមរយៈទេពកោសល្យនៃការសម្តែងរបស់នាង។
យ៉ាងណាមិញ ប៉ុន្មានឆ្នាំចុងក្រោយនេះ អ្នកនាង សុវណ្ណ រ៉ាផា ក៏ហាក់រយាលក្នុងការសម្តែងមួយរយៈធំ បន្ទាប់ពីអ្នកនាងបានចាប់ដៃសាងគ្រួសារ នឹង នាយក្តី ដែលគេស្គាល់ថា ជាបងធម៌របស់ នាយចឺម។ ក្នុងនោះ គេបានឃើញថា បច្ចុប្បន្ន អ្នកនាង មិនត្រឹមតែមមាញឹកក្នុងមុខជំនួញផ្ទាល់ខ្លួននោះទេ ពោលគឺ អ្នកនាងក៏កំពុងបំពេញតួនាទីជាម្តាយ ព្រមទាំងភរិយាដ៏ល្អផងដែរ។
ដោយឡែក ក្រោយមានឈ្មោះជាស្វាមី ភរិយាប្រមាណជិត ៦ ឆ្នាំ ហើយនោះ កាលពីដើមខែវិច្ឆិកា ឆ្នាំ ២០២៥ កន្លងទៅ អ្នកនាង សុវណ្ណ រ៉ាផា និង ស្វាមី នាយក្តី ទទួលបានការជូនពរជាច្រើនពីសំណាក់មហាជន និង អ្នកគាំទ្រ បន្ទាប់ពីអ្នកទាំង ២ បានស្វាគមន៍កូនប្រុសទី ២ ចូលមកកាន់គ្រួសារ ខណៈកូនប្រុសច្បងរបស់អ្នកទាំងពីរ ក៏មានអាយុជិត ៥ ឆ្នាំ ហើយដែរ៕
