កន្លងមក មហាជនតាមដានការងារសិល្បៈ និង ជីវិតឯកជនរបស់តារាចម្រៀងស្រី សុគន្ធ និសា ច្បាស់ជាបានជ្រាបហើយថា ក្រៅពីអាជីពជាតារាចម្រៀងនោះ អ្នកនាង ក៏មានមុខជំនួញក្នុងដៃផងដែរ ដោយរួមមានហាងអាហារ និង ហាងលក់សម្លៀកបំពាក់ជាដើម។ លើសពីនោះ អ្នកនាង សុគន្ធ និសា ក៏ជាសហស្ថាបនិកគ្លីនិកកែសម្ផស្សមួយក្នុងទីក្រុងភ្នំពេញដែរ។
យ៉ាងណាមិញ ស្របពេលការងារសិល្បៈក៏មមាញឹក របររកស៊ីក៏ដំណើរការយ៉ាងរលូនហើយនោះ ថ្មីៗនេះ អ្នកនាង សុគន្ធ និសា បានបង្កើនអាជីវកម្មបន្ថែមទៀត ដើម្បីបំពេញក្តីស្រមៃ និង ចំណូលចិត្តផ្ទាល់ខ្លួន ដែលចូលចិត្តសត្វចិញ្ចឹម។
ក្នុងនោះដែរ ហាងថ្មីរបស់អ្នកនាង សុគន្ធ និសា គឺជាហាងមើលថែសុនខ និង ឆ្មា ដូចជាកាត់សក់ ងូតទឹក និង ទទួលផ្ញើទៀតផង។ ហាងថែទាំសត្វរបស់ អ្នកនាង សុគន្ធ និសា គឺមានយីហោថា Gigi Puppi Care៕
