សំងំមិនសូវបង្ហាញមុខដូចមុន តែ ស៊ីន យូប៊ីន នៅតែមានឥទ្ធិពល ត្រៀមទៅទទួលពានរង្វាន់ពីទស្សនាវដ្ដីអាមេរិកដ៏ធំ នៅវៀតណាម

មហាជនអ្នកគាំទ្ររបស់តារាសម្ដែងស្រីកម្ពុជាដ៏ឆ្នើម កញ្ញា ស៊ីន យូប៊ីន សុទ្ធសឹងតែជ្រាបពីវិស័យសិល្បៈរបស់នាង ដែលប៉ុន្មានឆ្នាំកន្លងទៅ នាងជាប់ឈ្មោះជាតារាស្រីដ៏មានសក្ដានុពលលើឆាកអន្តរជាតិ ខណៈនាងទទួលបានឱកាសធំៗក្នុងការចូលរួមកម្មវិធីអន្តរជាតិផ្សេងៗ ដោយទទួលបានការអញ្ជើញពីកម្មវិធី និង ប្រ៊េនធំៗលំដាប់ពិភពលោកចូលរួមកម្មវិធីជាមួយនឹងកំពូលតារាល្បីៗពីបណ្ដាប្រទេសផ្សេងៗពេញដោយមោទកភាពសម្រាប់កម្ពុជា។

ដោយឡែក មកទល់ពេលនេះ ដ្បិតតែតារាស្រី ស៊ីន យូប៊ីន ត្រូវបានគេចាប់អារម្មណ៍ថាមិនសូវបង្ហាញពីសកម្មភាពការងារសិល្បៈលើហ្វេសប៊ុកដូចពីមុន ខណៈមានបញ្ហាផេកនោះ តែនាងក៏នៅតែបំពេញការងារសិល្បៈយ៉ាងមមាញឹកទាំងក្នុង និង ក្រៅប្រទេស ព្រមទាំងបង្ហាញលើបណ្ដាញសង្គមផ្សេងៗទៀតដដែល។

ជាក់ស្ដែង ថ្មីៗនេះ តាមរយៈការបង្ហោះលើ Story គណនីអ៊ិនស្ដាក្រាម តារាសម្ដែងស្រី ស៊ីន យូប៊ីន បានបង្ហាញពីការងារសិល្បៈរបស់ខ្លួនពេញដោយមោទកភាព ដែលនាងទទួលបានការអញ្ជេញចូលរួមក្នុងកម្មវិធីទទួលពាន់រង្វាន់របស់ទស្សនាវដ្ដីអាមេរិកដ៏ធំមួយ គឺ Harper’s Bazaar ដែលរៀបចំឡើងនៅប្រទេសវៀតណាមនៅថ្ងៃទី ៣០ ខែតុលា ឆ្នាំ ២០២៥ ខាងមុខនេះ៕