សារមន្ទីរដ៏ល្បីបំផុតមួយនៅបារាំង ប្រកាសបិទទ្វារបណ្ដោះអាសន្ន បន្ទាប់ពីមានចោរចូលប្ល./ន់យកគ្រឿងអលង្ការមានតម្លៃមួយចំនួនធំ

សារមន្ទីរដ៏ល្បីលើពិភពលោក Louvre Museum នៅប្រទេសបារាំង ត្រូវបង្ខំបិទទ្វារជាបណ្ដោះអាសន្ន ក្រោយមានចោរមួយក្រុមបានចូលប្លន់ លួចយកគ្រឿងអលង្ការបុរាណៗដ៏មានតម្លៃទៅអស់ជាច្រើន។

តាមកាសែតបារាំង Le Parisien ស្រង់សេចក្ដីរាយការណ៍ពីប្រភពស៊ើបអង្កេតមួយបានឱ្យដឹងថា ចោរមួយក្រុមនោះ ដៃមានកាន់ម៉ាស៊ីនអារឈើខ្នាតតូច និង ជិះម៉ូតូសំដៅទៅសារមន្ទីរ Louvre កាលពីព្រឹកថ្ងៃទី ១៩ ខែតុលា ឆ្នាំ ២០២៥ (ពេលវេលាក្នុងតំបន់)។ ទៅដល់នោះ ក្រុមចោរបានប្រើប្រាស់ម៉ាស៊ីនលើកដាក់ទំនិញ (forklift) បើកសំដៅទៅ Apollo showroom បំបែកកញ្ចក់ទ្វារសុវត្ថិភាព ឱ្យសមាជិកគេ ២ រូបចូលទៅខាងក្នុង ខណៈអ្នកនៅសល់ឈរយាមនៅខាងក្រៅ។

តាមព័ត៌មានបានឱ្យដឹងទៀតថា ចោរចំនួន ៣ នាក់ លួចបានគ្រឿងអលង្ការចំនួន ៩ ពី collection របស់អធិរាជ ណាប៉ូឡេអុង និង អធិរាជនី ដោយក្នុងនោះរួមមាន ខ្សែក កន្លាស់ និង មកុដ ហើយក៏ឡើងម៉ូតូជិះគេចខ្លួនបាត់ទៅ។ ចំពោះតម្លៃនៃគ្រឿងអលង្ការបុរាណដែលចោរលួចបាត់ទៅនោះ បច្ចុប្បន្នមិនទាន់មានការបញ្ជាក់នៅឡើយទេ។

ជាមួយគ្នានោះដែរ បើតាមអាជ្ញាធរនៅទីក្រុងប៉ារីសបានបញ្ជាក់ដែរថា ក្រៅពីបាត់បង់គ្រឿងអលង្ការមានតម្លៃ គឺមិនមាននរណាម្នាក់ត្រូវបានរងរបួស ឬស្លាប់នោះឡើយ ខណៈខាងសារមន្ទីរ Louvre ត្រូវបិទទ្វារជាបណ្ដោះអាសន្នសិន៕