កាលពីថ្មីៗកន្លងទៅនេះ មានសេចក្តីរាយរាយការណ៍មួយពីករណីផ្ទុះឆេះខុនដូមួយកន្លែងនៅប្រទេសចិន ដែលបង្កជាការខូចខាតយ៉ាងដំណំ ហើយចំណែកមូលហេតុវិញនោះ ត្រូវបានគេដឹងថាបណ្តាលមកពីការសាកថ្មម៉ូតូអគ្គិសនីទុកចោល។
តាមព័ត៌មានបានឱ្យដឹងថា ករណីនេះបានកើតឡើងនៅខុនដូមួយនាទីក្រុង Qingdao ខេត្ត Shandong ប្រទេសចិន ដោយការផ្ទុះឆេះគឺចេញពីបន្ទប់មួយនៅក្នុងខុនដូនេះ ដែលបង្កទៅជាផ្សែងហ៊ុយទ្រុប ហើយរបស់របរប្រើប្រាស់ទាំងឡាយក៏បានខ្ទាតចេញតាមរយៈបង្អួចផងដែរ។
យ៉ាងណាមិញ តាមព័ត៌មានបានឱ្យដឹងថា ក្នុងករណីនេះមានអ្នករងរបួសដែលត្រូវបានគេបញ្ជូនទៅមន្ទីរពេទ្យ ចំណែកអ្នកខ្លះទៀតក៏បានអះអាងថាពួកគេឃើញមានមនុស្សធ្លាក់ចុះពីលើអគារខុនដូនោះទៀតផង៕
ប្រភព៖ Khaosod
