ថ្មីៗនេះសារព័ត៌មាន Khaosod បានបានរាយការណ៍ឱ្យដឹងពីការបង្រ្កាបរបស់ប៉ូលិស ទៅលើក្រុមបុរសស្រឡាញ់បុរសមួយក្រុម ដែលកំពុងជុំគ្នាប្រព្រឹត្តអំពើអនាចារនៅក្នុងសណ្ឋាគារមួយកន្លែងនាទីក្រុងបាងកក ហើយឃាត់ខ្លួនបានចំនួន ៣០ នាក់។
ការបង្រ្កាបខាងលើនេះ បានធ្វើឡើងកាលពីម៉ោង ១២ រំលងអធ្រាត្រឈានចូលថ្ងៃទី ២ ខែវិច្ឆិកា ឆ្នាំ ២០២៥ កន្លងទៅនេះ នៅក្នុងបន្ទប់មួយនាសណ្ឋាគារដ៏ប្រណីតនាមួយនៅសង្កាត់ Watthana នាទីក្រុងបាងកក។ តាមព័ត៌មានបានឱ្យដឹងថា ក្រុមមួយនេះ បានជួបជុំគ្នាធ្វើពិធីជប់លៀង ដែលមានការសេពគ្រឿងញៀន និងរួមរ័ក្សគ្នាយ៉ាងអនាចារ។ ក្នុងនោះ ក្រុមប៉ូលិសបានឆ្មក់ចូលទៅ ហើយបានឃាត់ខ្លួនមនុស្សទាំងអស់ ២៩ នាក់ ដែលមានជនជាតិថៃ ២៨ នាក់ និងជនជាតិហ្វីលីពីនចំនួន ១ នាក់។
ប៉ូលិសក៏បានរឹបអូសបានភស្តុតាងជាច្រើន ដែលមានដូចជា គ្រឿងញៀនច្រើនប្រភេទ និងឧបករណ៍ប្រើប្រាស់គ្រឿងញៀន ថ្នាំសម្រើប ស្រោមអនាម័យ និងទឹករអិល។ យ៉ាងណាមិញ មានមនុស្ស ៤ នាក់ ដែលត្រូវបានប៉ូលិសចោទប្រកាន់ទាក់ទងនឹងករណីគ្រឿងញៀន ហើយក៏បានបញ្ជូនខ្លួនទៅដំណើរក្តីតាមផ្លួវច្បាប់ផងដែរ៕
ប្រភព៖ Khaosod
