កាលពីពេលថ្មីៗនេះ Influencer ថៃម្នាក់ដែលមានឈ្មោះថា Gun Jompalang បានណែនាំទង្វើដ៏អសីលធម៌មួយ គឺឱ្យទាហានបាញ់ទឹកលូបង្គន់ដាក់ទៅលើប្រជាជនខ្មែរដែលបានតវ៉ារើបន្លាលួសចេញពីទឹកដីផ្ទះសម្បែងរបស់ពួកគេ នៅភូមិអូរបីជាន់ ស្រុកអូរជ្រៅ ខេត្តបន្ទាយមានជ័យ។
យ៉ាងណាមិញ កាលពីថ្ងៃទី ២៧ ខែសីហា ឆ្នាំ ២០២៥ កន្លងទៅនេះ Gun Jompalang បានប្រកាសក្តែងៗនៅក្នុងបណ្តាញសង្គមថា ប្រជាជនខ្មែរនៅភូមិអូរបីជាន់បានឌឺដងទៅកាន់ខ្លួនចំពោះរឿងបាញ់ទឹកលូបង្គន់នេះ ហើយ ប្រកាសសុំឡានទឹកលូបង្គន់ចំនួន ១០ គ្រឿងពីអ្នកគាំទ្ររបស់ខ្លួន ព្រមទាំងសុំទុយោបាញ់ដែលមានកម្លាំងខ្លាំងផងដែរ នឹងអាលយកទៅបាញ់ដាក់ប្រជាជនខ្មែរ។
ដោយឡែក ទង្វើនេះគឺពិតជាឆ្លុះបញ្ចាំងឱ្យឃើញពីអត្តចរិតមិនថ្លៃថ្នូរ និងសមជាមនុស្សជាតិទាល់តែសោះ ព្រោះជាទង្វើដែលគ្មានការអាណិតអាសូរដល់មនុស្សដូចគ្នា ផ្ទុយទៅវិញ វាបានបង្ហាញឱ្យឃើញពីការប្រមាថយ៉ាងធំពីជនជាតិថៃមកដល់ប្រជាពលរដ្ឋខ្មែរ៕
ប្រភព៖ Khaosod
