ធ្លាប់តែឃើញសណ្ឋាគារល្អប្រណីត ពេញដោយសេវាកម្មទាន់ចិត្ត តែមិនដឹងសោះថាមានសណ្ឋាគារគុក ដែលមិននឹកស្មានថាមានអ្នកហ៊ានចំណាយលុយចូលទៅស្នាក់នៅ ឱ្យស្គាល់អារម្មណ៍ដូចជាជាប់គុកមែនទែន។
សណ្ឋាគារមួយនេះមានឈ្មោះថា Prison Inside Me ស្ថិតក្នុង Hongcheon ទីក្រុងសេអ៊ូល ប្រទេសកូរ៉េ ដោយបន្ទប់នីមួយៗមានទំហំ ៥ ម៉ែត្រការ៉េ ជាបន្ទប់សាមញ្ញ គ្មានបង្អួច និង គ្មានគ្រែឡើយ មានតែកន្ទេលស្តើង តុសរសេរ និងបន្ទប់ទឹក ព្រមទាំងមិនមានគ្រឿងបរិក្ខារ ឬសេវាកម្មផ្សេងៗឡើយ ទូរស័ព្ទក៏ត្រូវហាមយកចូល ដោយគេណែនាំឱ្យភ្ញៀវដែលចូលទៅស្នាក់នៅសរសេរកំណត់ហេតុប្រចាំថ្ងៃ ពិចារណា និង ធ្វើយូហ្គា ដើម្បីមានក្តីសុខផ្លូវចិត្ត។ ចំណែកឯអាហារនឹងត្រូវលើកឱ្យតាមរយៈចន្លោះផ្នែកខាងក្រោមនៃទ្វារ។
យ៉ាងណាមិញ តម្លៃសម្រាប់ការស្នាក់នៅក្នុងសណ្ឋាគារនេះ គឺប្រហែល ១៣០ ដុល្លារក្នុងមួយថ្ងៃ ២៤ ម៉ោង ហើយក្នុងនោះដែរ មានអ្នកធ្លាប់ចំណាយលុយទៅស្នាក់នៅក្នុងនោះរហូតដល់ ៧ ថ្ងៃឯណោះ ហើយពេលចេញមកវិញក៏មានអារម្មណ៍ថាផ្លូវចិត្តរបស់ខ្លួនល្អប្រសើរទៀតផង។ ដោយឡែក សណ្ឋាគារនេះត្រូវបានបង្កើតឡើងកាលពីឆ្នាំ ២០១៣ កន្លងទៅ ដោយអតីតមេធាវី Kwon Yong-seok និងភរិយា ក្នុងគោលបំណងផ្តល់ជួយមនុស្សឱ្យដកឃ្លាពីជីវិតដែលរងសម្ពាធ និង ផ្សះផ្សារផ្លូវចិត្តខ្លួនឯងជាថ្មី៕
ប្រភព៖ Sanook
