ថ្មីៗនេះ អ្នកលេងបណ្តាញសង្គមហ្វេសប៊ុក និង Instagram បាន និង កំពុងចែករំលែកនូវរូបភាពប៉ុន្មានសន្លឹករបស់កំលោះសង្ហាតារាបង្ហាញម៉ូដកូនកាត់ខ្មែរ-បារាំង លោក Vireakboth Le Portier ក្នុងឈុតបុរាណមួយដែលមានឈ្មោះថា «The King»។

រូបភាពកំលោះសង្ហា កូនកាត់ខ្មែរ-បារាំង លោក Vireakboth Le Portier គ្រងឈុតសហសម័យនោះដែរ ត្រូវបានបង្ហោះឡើង ដោយអ្នកច្នៃម៉ូដល្បីឈ្មោះ ស្ករគ្រាប់ ដែលជាអ្នកច្នៃម៉ូដមួយឈុតនេះយ៉ាងប្រណីត ដែលស័ក្តិសមខ្លាំងនឹងកំលោះសង្ហាកូនកាត់ខ្មែរ-បារាំង Vireakboth Le Portier។

គួរជម្រាបថា ឈុតនេះដែរ ត្រូវបានច្នៃ និង បង្ហាញតាំងពីអំឡុងពេល បុណ្យអ៊ំទូក អកអំបុក និង សំពះព្រះខែ មកម្ល៉េះ ដោយអ្នកច្នៃម៉ូដ ស្ករគ្រាប់ បានច្នៃឡើងឈុតជាគូ ដោយកាលនោះ គឺតួស្រីត្រូវបានបង្ហាញដោយ បវរកញ្ញា ឌី បញ្ញាវិមាលា៕



