និយាយពីទាយាទទី ១ ដែលជាកូនស្រីរបស់តារាប្រុសស្រីប៉ុន្មានរូប គឺលោក នី រតនា, អ្នកនាង សួស វីសា និង អ្នកនាង ឌី សូនិត្តា ដែលមានវ័យខ្ទង់ ៤ ទៅ ៥ ឆ្នាំហើយ ពេលនេះកាន់តែធំលូតលាស់ជាមួយសម្រស់ដ៏ស្រស់ស្អាត សាច់ឈាមទ្រលុកទ្រលន់ មុខមាត់គួរឱ្យស្រឡាញ់ខ្លាំង។
ក្នុងវ័យត្រឹមតែ ៤-៥ ខួបនេះដែរ ឃើញថាកូនស្រីបណ្ដូលចិត្តរបស់អ្នកសិល្បៈប៉ុន្មានរូបនេះ បានធំធាត់ឡើងប្រកបដោយភាពឆ្លាតវៃជាមួយនឹងរូបរាងដ៏ស្រស់ស្អាតតាំងពីក្មេង ដែលទទួលបានការមើលថែ បង្ហាត់បង្រៀនយ៉ាងយកចិត្តទុកដាក់ពីលោកប៉ាអ្នកម៉ាក់។
លើសពីនេះ អូនតូចទាំងបី ក៏កំពុងឆក់បានការចាប់អារម្មណ៍ និង សរសើរខ្លាំងពីមហាជនចំពោះភាពវៃឆ្លាតក្រមិចក្រមើមរបស់ពួកគេ ដែលបង្ហាញលើបណ្ដាញសង្គម និង អ្នកខ្លះមានដុងសិល្បៈអាចជួយសម្ដែង និង ថតផ្សព្វផ្សាយការងាររកស៊ីរបស់ប៉ាម៉ាក់ទៀតផង។
១. កូនស្រីច្បងលោក នី រតនា មានឈ្មោះថា នីវណ្ណ មែលឡានី ហៅអូនមែល មានអាយុ ៥ ឆ្នាំ
២. កូនស្រីច្បងអ្នកនាង សួស វីហ្សា និង លោក ថមមី មានឈ្មោះថា ថង សាម៉ូលីណា ហៅ ជេននី មានអាយុ ៤ ឆ្នាំ
៣. កូនស្រី ឌី សូនិត្តា មានឈ្មោះថា និត្តា ម៉ីហាណា ហៅ អូនស្មាយ មានអាយុ ៤ ឆ្នាំ
