អ្នកគាំទ្រវិស័យបវរកញ្ញាជាច្រើនច្បាស់ជាធ្លាប់បានជ្រាបខ្លះមកហើយពីប្រវត្តិនៃការតស៊ូរបស់ កញ្ញា រី ស្រីនេត ឬ រី លីណា មុននឹងបោះជំហានឈានជើងចូលការប្រកួត Miss Grand Cambodia 2024 និង ឆក់បានតំណែងលំដាប់រងទី ១ MGC 2024។
មុននឹងបោះជំហានទទួលបានតំណែងជោគជ័យមួយលើវិស័យសិល្បៈនេះដែរ កញ្ញា រី ស្រីនេត គឺជាកម្មការិនីរោងចក្រ ដោយបានបោះជំហានចូលប្រកួតវិស័យសិល្បៈតាមរយៈការប្រឡងកម្មវិធីសម្រស់ឯកវាយណ្ណភណ្ឌឆ្នាំ ២០១៧។ កាលនោះ រី ស្រីនេត ទទួលបានចំណាត់ថ្នាក់លេខ ២។ ក្រោយមកក៏ព្រោះទេពកោសល្យផងនោះ បវរកញ្ញារូបនេះក៏មានឱកាសបោះជើងឈានចូលវិស័យភាពយន្តផងដែរ។
ដោយឡែក បើគិតមកដល់ពេលនេះ កញ្ញា រី ស្រីនេត ហាក់ទទួលបានភាពជោគជ័យមួយកម្រិតទៀតនៅលើវិថីសិល្បៈក៏ពិតមែន ប៉ុន្តែថ្មីៗនេះ នៅក្នុងកម្មវិធីមួយ បវរកញ្ញារូបនេះបានលើកឡើងថា មកដល់ពេលនេះជីវភាពរបស់នាងនៅមានកម្រិតមិនទាន់ប្រសើរឡើង មិនទាន់ឱ្យក្រុមគ្រួសាររស់នៅស្រណុកស្រុកស្រួលនោះទេ ពោលគឺនៅខ្វះខាតនៅឡើយ៕
សូមទស្សនាវីដេអូខាងក្រោម៖
