មហាជនខ្មែរអ្នកប្រើប្រាស់ណ្ដាញសង្គម ជាពិសេសស្រទាប់យុវវ័យ ហាក់និយមចូលចិត្តស្នាដៃគំនូរលើជញ្ជាំង និង ឌីជីថល ច្បាស់ជាបានស្គាល់មកហើយអ្នកគូររូបល្បីឈ្មោះកូនខ្មែរ លីសា ម៉ម ដែលមានទេពកោសល្យ និង ការច្នៃប្រឌិត គួរឱ្យស្ងើចសរសើរបំផុត។
កន្លងមក អ្នកគូរគំនូរ លីសា ម៉ម ធ្លាប់បានសាងស្នាដៃជាច្រើនមកហើយទាំងក្នុង និង ក្រៅប្រទេស ដោយគំនូររបស់កូនខ្មែររូបនេះ ត្រូវបានបណ្តាក្រុមហ៊ុនល្បីៗជាច្រើនបានហៅនាងឱ្យទៅគូរលើផលិតផលទំនិញរបស់ពួកគេ ព្រមទាំងនៅលើជញ្ជាំងហាងលំដាប់ប្រ៊េនៗ និង សណ្ឋាគារល្បីៗទៀតផង។
យ៉ាងណា ថ្មីៗនេះ ពោលគឺចុងឆ្នាំ ២០២៤ នេះ កញ្ញា លីសា ម៉ម កំពុងធ្វើឱ្យអ្នកគាំទ្រកម្ពុជាមានមោទកភាពលើរូបនាងជាថ្មីម្តងទៀត ដោយរូបភាពគំនូរច្នៃប្រឌិតយ៉ាងស្រស់ស្អាតចំនួន ២ បន្ថែមទៀត បានក្រុមហ៊ុនបណ្តាញសង្គមល្បីៗ Facebook និង IG បានដាក់ឱ្យប្រើប្រាស់ Filter ជាផ្លូវការផងដែរ៕
សូមចុចទីនេះ ដើម្បីទស្សនាវីដេអូ៖
វីដេអូ៖ Lisa Mam – លីសា ម៉ម
