និយាយពីអ្នកបង្កើតមាតិកាហ្វេសប៊ុកជនជាតិចិនដ៏ល្បីឈ្មោះ និង ជា Influencer ប្រុសស្អាត សុភ័ក្រ្ត កន្លងមកលោកតែងឆក់បានការចាប់អារម្មណ៍ពីមហាជនអ្នកគាំទ្រកម្ពុជាលើបណ្ដាញសង្គម ជាមួយនឹងការបង្ហោះផ្សេងៗលើហ្វេសប៊ុកផេករបស់លោកទាក់ទងនឹងសកម្មភាពការងារផ្សេងៗលើទឹកដីកម្ពុជា និង តែងបង្ហាញពីទំហំចិត្តនៃក្ដីស្រឡាញ់ចំពោះភាសាខ្មែរ វប្បធម៌ ប្រវត្តិសាស្រ្តរបស់កម្ពុជាគួរឱ្យសរសើរ។
រាល់ការបង្ហោះរបស់ Influencer ប្រុសស្អាតជនជាតិចិនរូបនេះ បានធ្វើឱ្យមហាជនកម្ពុជាចែករំលែកដោយក្ដីពេញចិត្ត និង សរសើរខ្លាំងចំពោះលោក ដែលក្នុងនាមជាជនបរទេសមួយរូបមានទឹកចិត្តស្រឡាញ់ និង តែងជួយផ្សព្វផ្សាយពីប្រទេសកម្ពុជាទៅកាន់ពិភពលោក។
ជាក់ស្ដែង ថ្មីៗនេះ អ្វីដែលធ្វើឱ្យមហាជនអ្នកគាំទ្រកម្ពុជាសរសើរ និង រំភើបចំពោះទឹកចិត្តស្រឡាញ់កម្ពុជារបស់ប្រុសស្អាត សុភ័ក្រ្ត ខណៈបានឃើញលោកបានបង្ហាញសកម្មភាពសម្ដែងចម្រៀងមួយបទលើវេទិកាកម្មវិធីរបស់កម្ពុជា-ចិន ដោយបានច្រៀងជាភាសាខ្មែរក្នុងអត្ថន័យពេញដោយក្ដីស្រឡាញ់ និង សន្តិភាពផងដែរ។
លើសពីនេះ លោក សុភ័ក្រ្ត បានបង្ហោះសារភ្ជាប់ជាមួយវីដេអូបង្ហាញក្ដីរំភើប និង ក្ដីស្រឡាញ់ចំពោះកម្ពុជាប្រៀបដូចជាផ្ទះទី ២ របស់លោកថា ៖ «ខ្ញុំពិតជាមានមោទកភាព និង សប្បាយរីករាយជាខ្លាំង ក្នុងការបង្ហាញបទចម្រៀងរបស់ខ្ញុំ ដែលមានចំណងជើងថា «ប្រទេស២ បេះដូង១» នៅក្នុងព្រឹត្តិការណ៍ «ស្លាបសន្តិភាព» កាលពីយប់មិញ បទចម្រៀងនេះ មានអត្ថន័យយ៉ាងជ្រាលជ្រៅចំពោះខ្ញុំ ក្នុងនាមជាជនជាតិចិនដែលបានរស់នៅប្រទេសកម្ពុជា 6 ឆ្នាំមកហើយ ប្រទេសកម្ពុជាក៏បានក្លាយជាស្រុកទីពីររបស់ខ្ញុំ។
ខ្ញុំមិនដែលនឹកស្មានថា នឹងមានឱកាសបានបកស្រាយអត្តន័យចម្រៀង អមដោយសារនៃការរួបរួមឯកភាព និង សេចក្តីស្រឡាញ់ ក្នុងន័យលើកកម្ពស់សន្តិភាព ដែលពិភពលោកយើងកំពុងតែត្រូវការយ៉ាងខ្លាំង នាពេលបច្ចុប្បន្ននេះឡើយ។ ទោះបីខ្ញុំមានអារម្មណ៍រាងភ័យខ្លាចបន្តិចក្តី ប៉ុន្តែអ្វីដែលខ្ញុំរំភើបខ្លាំងនោះគឺ ខ្ញុំមានមោទកភាព ក្នុងការបង្ហាញប្រទេសទាំងពីរដែលខ្ញុំស្រឡាញ់ ក៏ដូចជាមោទកភាព ក្នុងការសម្តែងចម្រៀងសម្រាប់សន្តិភាព ហើយកាន់តែគួរឱ្យត្រេកអរទៀតនោះ គឺក្នុងការបង្ហាញថា មិនថាយើងមកពីទីណាទេ បេះដូងរបស់យើងអាចរួមជាមួយគ្នាបាន។ សូមអរគុណដ៏ជ្រាលជ្រៅ ជូនដល់អ្នកទាំងអស់គ្នា ដែលបានធ្វើឱ្យពេលវេលាដ៏មានតម្លៃនេះ បានកើតឡើង និង ក្លាយជាការពិត»៕
សូមចុចទីនេះដើម្បីទស្សនាវីដេអូ៖
