កាលពីថ្ងៃទី ០៣ ខែមីនា ឆ្នាំ ២០២៥ កន្លងទៅនេះ មហាជន និង អ្នកក្នុងរង្វង់សិល្បៈជាច្រើន មានក្តីរន្ធត់ចិត្តក្រោយទទួលដំណឹងមរណភាពរបស់ តារាសម្តែង និង ជា Freshie Boy ចំណាត់ថ្នាក់លេខ ១ ជំនាន់ទី ៨ ឆ្នាំ ២០០៩ លោក ប៉ែន ចាន់សិទ្ធិ។ ដំណឹងខាងលើនេះដែរ ត្រូវបានជម្រាបជូនដោយ លោក ថៃ នរៈពិទូ។
ក្រោយទទួលបានដំណឹងដ៏សោកសង្រេងនេះដែរ មហាជន ជាពិសេសមិត្តសិល្បករជាច្រើន បានបង្ហាញអារម្មណ៍តក់ស្លុត សោកស្តាយ និង ចូលរួមរំលែកទុក្ខជាបន្តបន្ទាប់នៃការបាត់បង់សិល្បករមួយរូបនេះ។
យ៉ាងណាមិញ មូលហេតុនៃមរណភាពរបស់លោក ប៉ែន ចាន់សិទ្ធិ ក៏ត្រូវបានទម្លាយឱ្យដឹង តាមរយៈអ្នកម្តាយរបស់លោកក្នុងកិច្ចសម្ភាសន៍មួយថា លោក ប៉ែន ចាន់សិទ្ធិ មានជំងឺមហារីក រលាកសួត និង ក្រពោះពោះវៀន។
អ្វីដែលកាន់តែរំជួលចិត្តទៀតនោះ តាមការបញ្ជាក់ពីស្ថានភាពជំងឺរបស់កូនប្រុសមុនពេលស្លាប់ ម្តាយ លោក ប៉ែន ចាន់សិទ្ធិ បានរៀបរាប់ថា៖ «កូនមកមន្ទីរពេទ្យនេះ គឺជាលើកទី ៣ ហើយ ហើយគ្រូពេទ្យក៏បានជម្រាបជាមុនដែរថា មកសម្រាកពេទ្យលើកនេះ ប៉ែន ចាន់សិទ្ធិ អាចនឹងស្លាប់នៅទីនេះហើយ»។
អ្នកម្តាយអតីតតារាប្រុសរូបនេះបានបន្តថា ព្រឹកថ្ងៃកូនស្លាប់ លោក ប៉ែន ចាន់សិទ្ធិ បាននិយាយប្រាប់ម្តាយថា៖ «ម៉ាក់អើយ កូនបាក់ទឹកចិត្តហើយ ហើយម្តាយបានឆ្លើយតបថា កូនឯងបាក់ទឹកចិត្តធ្វើអី ជិតចូលឆ្នាំខ្មែរហើយ ហើយលោកបន្តថា កូនពិបាកក្នុងខ្លួនណាស់ម៉ាក់»៕
សូមចុចទីនេះ ដើម្បីទស្សនាវីដេអូ៖
