ចំពោះជីវិតស្នេហារបស់តារាប្រុស នាយព្រែក និង តារាសម្ដែងស្រី ឈិន មុន្នីនាថ គិតមកដល់ពេលនេះ រយៈពេលប្រមាណជិត ៦ ឆ្នាំមកហើយ ដែលអ្នកទាំងពីរបានសាងចំណងស្នេហ៍ដ៏ផ្អែមល្ហែម និង ស្វែងយល់ចិត្តគ្នា ក្រោមការដឹងឮពីចាស់ទុំទាំងសងខាង។
យ៉ាងណាមិញ ថ្មីៗនេះ អ្វីដែលធ្វើឱ្យមហាជនអ្នកគាំទ្ររបស់គូស្នេហ៍មួយគូនេះ កំពុងបង្ហាញការអបអរ និង រំភើបជំនួស បន្ទាប់ពីស្រឡាញ់មើលចិត្តគ្នាច្រើនឆ្នាំ ពេលនេះ នាយ ព្រែក ក៏បានសម្រេចរៀបចំកម្មពិធីដ៏ប្រណីត និង រ៉ូមែនទិច ដើម្បី Surprise កញ្ញា ឈិន មុន្នីនាថ និង លុតជង្គង់សុំនាងរៀបការយ៉ាងរំភើប ចំពោះមុខមិត្តភក្តិជាច្រើននាក់។
លើសពីនេះ ក្នុងថ្ងៃរៀបចំពិធីសុំរៀបការនេះដែរ នាយ ព្រែក និង ឈិន មុន្នីនាថ ក៏បានប្រកាសកំណត់ថ្ងៃខែចូលរោងការច្បាស់ៗហើយដែរ គឺនឹងរៀបចំឡើងនៅថ្ងៃទី ៧ ខែធ្នូ ឆ្នាំ ២០២៥ ខាងមុខនេះ៕
សូមចុចទីនេះដើម្បីទស្សនាវីដេអូ៖
