មហាជននិយមតាមដាន ជីវិតឯកជនរបស់រាជិនីក្រមា មាន សូនីតា ច្បាស់ជាបានជ្រាបហើយថា តារាស្រីរូបនេះ ត្រូវបានចាត់ទុកជាសិល្បការិនីហាយសូរមួយរូប ដែលនិយមប្រើជីវិតដើរលេងកម្សាន្ត នៅក្រៅប្រទេស បន្ទាប់ពីបំពេញកិច្ចការងារ និង រកស៊ីហត់អស់ពេញមួយឆ្នាំ។ ជារឿយៗ កញ្ញា មាន សូនីតា តែងតែចាយលុយរកពីកម្លាំងញើសឈាមទៅដើរកម្សាន្ត សឹងតែគ្រប់ប្រទេសល្បីៗនៅជុំវិញពិភពលោក។
ជាក់ស្តែងក្នុងឱកាសបុណ្យចូលឆ្នាំខ្មែរ ២០២៥ នេះ ក្រោយបំពេញភារកិច្ចរួចរាល់ កញ្ញា មាន សូនីតា ក៏បានហោះទៅកាន់សហរដ្ឋអាមេរិកភ្លាម ដោយក្នុងនោះ គេបានឃើញរាជិនីក្រមា រូបនេះ បានបង្ហោះរូបភាពស្អាតៗជាច្រើន ដោយរួមមាននៅអូតែលដ៏ល្បីឈ្មោះ The Biltmore LA ផងដែរ។
ក្នុងនោះ អ្វីដែលគួរឱ្យចាប់អារម្មណ៍ កញ្ញា មាន សូនីតា បានឱ្យដឹងថា នាងបានចាយលុយ ដើម្បីទៅថតនៅអូតែល The Biltmore LA ដែលជាទីតាំងសមាជិក BlackPink គឺ Jisoo ថត MV «Flower» ដើម្បីបំពេញបំណងរបស់ខ្លួនឯងទៀតផង៕
សូមចុចទីនេះ ដើម្បីទស្សនាវីដេអូ៖
