និយាយដល់ជីវិតស្នេហារវាងតារាប្រុស ជា លាងឈែ និង តារាស្រី នួន ណត្ថិយ៉ា មហាជនអ្នកគាំទ្រច្បាស់ជាបានដឹងហើយថា ក្រោយពីសាងចំណងស្នេហ៍យ៉ាងស្ងប់ស្ងាត់ អ្នកទាំងពីរ ក៏បានសម្រេចកាន់ដៃគ្នាភ្ជាប់ពាក្យប្តូរងារពីសង្សារ ទៅជាគូដណ្តឹងកាលពីថ្ងៃទី ១១ ខែតុលា ឆ្នាំ ២០២២ កន្លងទៅ។
គិតមកដល់ពេលនេះ រយៈពេលជាង ២ ឆ្នាំហើយដែលលោក ជា លាងឈែ និង កញ្ញា នួន ណត្ថិយ៉ា ចាប់ដៃគ្នាក្នុងនាមជាគូដណ្តឹង ដែលតែងបង្ហាញសកម្មភាពផ្អែមល្ហែមជារឿយៗលើបណ្តាញសង្គមនានា ធ្វើឱ្យអ្នកគាំទ្រមួយចំនួនលួចច្រណែននឹងជីវិតប្រកបដោយសុភមង្គលរបស់តារាប្រុសស្រីទាំងពីរ។
អ្វីដែលមហាជនហាក់តែងចាប់អារម្មណ៍ខ្លាំងទៅកាន់គូដណ្តឹងមួយគូនេះទៀត គឺមើលទៅអ្នកទាំងពីរហាក់មានចំណង់ចំណូលចិត្តស្រឡាញ់កីឡាដូចគ្នាណាស់ ពោលគឺគេតែងឃើញ លោក ជា លាងឈែ និង កញ្ញា នួន ណត្ថិយ៉ា ដឹកដៃគ្នាហាត់ប្រាណយករាង Goal សាច់ដុំកង់ៗ ក្បាលពោះរាបស្មើស្រស់ស្អាតទាំងគូ។ អ្វីដែលគួរឱ្យសរសើរនោះ គឺកញ្ញា នួន ណត្ថិយ៉ា គូដណ្តឹងរបស់លោក ជា លាងឈែ គឺជាគ្រូបង្វឹងហាត់ប្រាណមួយរូបដែរ។
ដោយឡែក ក្រោយពីចាប់ដៃគ្នាជាគូជីវិតស្វែងយល់ចិត្តគ្នា និង ជិតមានដំណឹងល្អចូលរោងការ ថ្មីៗនេះ ក៏បានឃើញគូដណ្ដឹងមួយគូនេះ ចូលរួមធ្វើកិច្ចសម្ភាសក្នុងកម្មវិធី «CelebSpicy Talk» បាននិយាយរៀបរាប់ពីរឿងរ៉ាវជាច្រើនពីជីវិតស្នេហារបស់អ្នកទាំងពីតាំងពីស្គាល់គ្នាដំបូងៗ។ អ្វីដែលកាន់តែចាប់អារម្មណ៍ និង ធ្វើឱ្យមហាជនអ្នកគាំទ្រភ្ញាក់ផ្អើលនោះ គឺកញ្ញា នួន ណត្ថិយ៉ា ទម្លាយពីរឿងជួបលោក ជា លាងឈែ ដំបូងៗមុនស្រឡាញ់គ្នា គឺនាងធ្លាប់គិតថាលោកជាមនុស្សប្រុសប្រភេទ BL ប្រុសស្រឡាញ់ប្រុសទៀតផង៕ សូមចុចទីនេះដើម្បីទស្សនាវីដេអូ៖
