ថ្មីៗនេះ លើបណ្ដាញសង្គមមហាជនអ្នកប្រើប្រាស់ហ្វេសប៊ុក និង TikTok បានផ្ទុះចាប់អារម្មណ៍ចែករំលែក ភ្ជាប់ជាមួយនឹងមតិវែកញែករិះគន់មិនពេញចិត្តខ្លាំងចំពោះវីដេអូមួយរបស់បុគ្គលអ្នកលេងបណ្ដាញសង្គមល្បីម្នាក់ឈ្មោះ ម៉ែវែប ក្រោយឃើញបង្ហោះវីដេអូមួយលេងសើចមិនសមរម្យ និង អសីលធម៌ទាក់ទងនឹងផ្លូវភេទជាសាធារណៈ។
ទាក់ទងនឹងវីដេអូធ្វើឱ្យមហាជនផ្ទុះការរិះគន់ខ្លាំងនេះដែរ បុគ្គលអ្នកលេងបណ្ដាញសង្គម ម៉ែវែប បានលើកយកប្រធានបទដែលកំពុងផ្ទុះក្ដៅលើបណ្ដាញសង្គមទាក់ទងនឹងរឿងរ៉ាវរវាងប្ដីម្ចាស់ប្រ៊េន និង នារីជាកូនចៅនោះ មកធ្វើជាវីដេអូបែបលេងសើចតាងខ្លួននារីជាកូនចៅមានទំនាក់ទំនងជាមួយប្ដីម្ចាស់ប្រ៊េន ព្រមទាំងបង្ហាញសម្ភារៈទាក់ទងនឹងការរួមភេទជាសាធារណៈ ដែលមហាជនចាត់ទុកទង្វើនេះមិនសមរម្យអសីលធម៌ខ្លាំង។
ពេលនេះដែរ ដ្បិតតែវីដេអូនេះ ត្រូវបានបុគ្គលឈ្មោះ ម៉ែវែប បានលុបចេញពីលើគណនីផេករបស់ខ្លួនមែន ប៉ុន្តែលើបណ្ដាញសង្គម ក៏នៅបន្តផ្ទុះការចែករំលែក និង មានការវែកញែកខ្លាំងដដែលពីមហាជន ក៏ដូចជាអ្នកក្នុងសិល្បៈជាច្រើន៕
សូមចុចទីនេះដើម្បីទស្សនាវីដេអូ៖
