ពិតណាស់ ក្រៅពីមានសមត្ថភាព ទេពកោលស្យច្រើនលើវិស័យសិល្បៈ កន្លងមក ស្រីស្អាត សាន្ត កុសុមៈ ក៏ត្រូវបានមហាជនអ្នកគាំទ្រចាប់អារម្មណ៍សរសើរលើការសិក្សារបស់នាងដែរ ទាំងការប្រើប្រាស់ភាសាបរទេសបាន ៤ ភាសា ព្រមទាំងឆ្លៀតរៀនបញ្ចប់ថ្នាក់បរិញ្ញាបត្រជំនាញមួយយ៉ាងជោគជ័យទៀតផង។
លើសពីនេះ ថ្មីៗកន្លងទៅ អ្វីដែលធ្វើឱ្យមហាជនកាន់តែចាប់អារម្មណ៍សរសើចំពោះតារាស្រីរូបនេះ ទៀត ខណៈនាងបានបង្ហាញពីការសម្រេចក្ដីស្រមៃរបស់ខ្លួនតាំងពីក្មេង មុនចូលវិស័យសិល្បៈ គឺនាងមានក្ដីស្រមៃចង់ក្លាយជាគ្រូបង្រៀន ដែលពេលនេះនាងក៏បានចូលប្រឡងគ្រូ និង ទទួលបានជោគជ័យជាប់ជាគ្រូបង្រៀនផ្អែកលើកិច្ចព្រមព្រៀងការងារមួយរូបហើយដែរ។
តាមរយៈការប្រកាសលទ្ធផលនៃការប្រឡងគ្រូបង្រៀនរបស់កញ្ញា សាន្ត កុសុមៈ ក៏បានឱ្យដឹងថា នាងបានជាប់ជាស្ថាពរនៃការប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារនៃគ្រឹះស្ថានបឋមសិក្សាសាធារណៈ នៅឯឃុំលំពង់ ស្រុកបាទី ខេត្តតាកែវ។
បន្ទាប់ពីប្រឡងជាប់ជាគ្រូបង្រៀនកិច្ចព្រមព្រៀងមួយរូប ថ្មីៗនេះ សាន្ត កុសុមៈ ក៏បានចាប់ផ្ដើមដើរតាមក្ដីស្រមៃរបស់ខ្លួន ដែលធីបសិល្បៈចោលមួយឡែកសិន និង បង្ហាញសកម្មភាពចុះទៅបង្រៀនសិស្សផ្ទាល់ៗយ៉ាងសកម្ម លើមុខវិជ្ជាគណិតវិទ្យាក្នុងសាលាបឋមសិក្សាមួយនៅខេត្តតាកែវ៕
សូមចុចទីនេះដើម្បីទស្សនាវីដេអូ៖
