ចាប់តាំងពីប្រកាសចូលប្រកួតវិស័យបវរកញ្ញាម្ដងទៀត ដែលក្លាយជាបេក្ខភាពផ្លូវការរបស់កម្មវិធី Miss Cosmo Cambodia 2025 មក កញ្ញា ប៊ី សុធារី បានធ្វើឱ្យមហាជនអ្នកគាំទ្រវិស័យបវរកញ្ញាជាច្រើនផ្ទុះចាប់អារម្មណ៍តាមដានជាថ្មី។
លើសពីនេះ ចំពោះក្ដីស្រមៃថ្មីក្នុងកម្មវិធី Miss Cosmo Cambodia 2025 នេះដែរ កញ្ញា ប៊ី សុធារី ក៏ទទួលបានការស្រឡាញ់ពេញចិត្ត និង គាំទ្រខ្លាំង ដោយមហាជនមើលឃើញពីភាពលេចធ្លោរបស់នាង និង រំពឹងខ្ពស់ថានាងនឹងអាចជោគជ័យលើវិស័យនេះម្ដងទៀត។
យ៉ាងណាមិញ ដ្បិតតែធ្លាប់ជាបវរកញ្ញាមានបទពិសោធច្រើនទាំងឆាកជាតិ និង អន្តរជាតិមែន ប៉ុន្តែក្នុងនាមជាបេក្ខភាពកម្មវិធីថ្មីនេះ កញ្ញា ប៊ី សុធារី នៅតែខិតខំពង្រឹងសមត្ថភាពបន្ថែម ដោយធ្វើការហ្វឹកហាត់សមជាបន្តបន្ទាប់។
ជាក់ស្ដែង ថ្មីៗនេះ ក៏បានឃើញសកម្មភាពរបស់កញ្ញា ប៊ី សុធារី បានធ្វើការហ្វឹកហាត់ការដើររៀនពីកញ្ញា អ៊ិន លក្ខិណា ដោយផ្ទាល់ ទោះជាអ្នកទាំងពីរជាបវរកញ្ញាមានបទពិសោធច្រើនដូចគ្នាលើវិស័យនេះ ប៉ុន្តែសម្រាប់ដំណើរថ្មីនេះ កញ្ញា ប៊ី សុធារី ចាត់ទុក អ៊ិន លក្ខណា ជារៀមច្បងម្នាក់ក្នុងកម្មវិធី MCC 2025 និង កំពុងស្វែងយល់នូវបទពិសោធថ្មីៗពីម្ចាស់មកុដឆ្នាំចាស់រូបនេះផងដែរ៕
សូមទស្សនាវីដេអូខាងក្រោម៖
