ចំពោះបវរកញ្ញា អ៊ិន លក្ខិណា ចាប់តាំងពីទទួលបានតំណែងជា Miss Cosmo Cambodia 2024 និង ជា Top 10 នៃកម្មវិធី Miss Cosmo 2024 មក នាងបានក្លាយជាបវរកញ្ញាមានសក្ដានុពលក្នុងចិត្តមហាជន កន្លងប៉ុន្មានឆ្នាំមកនេះ មានអ្នកគាំទ្រជាច្រើនតាមដានសកម្មភាពនាងមិនថាចូលរួមកម្មវិធីបវរកញ្ញា ឬ កម្មវិធីផ្សេងៗទាំងក្នុង និង ក្រៅប្រទេស។
លើសពីនេះ ដ្បិតតែទទួលបានត្រឹម Top 10 ក្នុងកម្មវិធីអន្តរជាតិ Miss Cosmo 2024 មែន ប៉ុន្តែជិត ១ ឆ្នាំមកនេះ ឃើញថាបវរកញ្ញាកម្ពុជាដ៏លេចធ្លោ អ៊ិន លក្ខិណា ហាក់មានឥទិ្ធពលខ្លាំងមិនចាញ់ម្ចាស់ជ័យលាភីគ្រងមកុដឡើយ ដែលនាងអាចឆក់បានការស្រឡាញ់ពេញចិត្តខ្លាំងពីអ្នកគាំទ្រនៅក្រៅស្រុក និង មានការងារយ៉ាងសកម្មនៅប្រទេសផ្សេងៗ ជាពិសេសលើឆាកអន្តរជាតិ Miss Cosmo នៅឯប្រទេសវៀតណាមជាហូរហែទៀតផង។
ដោយឡែក ស្របពេលកំពុងមមាញឹកចុះឡើងក្រៅប្រទេសបំពេញការងារជាបវរកញ្ញា និង តារាម៉ូឌែល មកដល់ថ្មីៗនេះ កញ្ញា អ៊ិន លក្ខិណា កាន់តែធ្វើឱ្យមហាជនអ្នកគាំទ្រចាប់អារម្មណ៍សរសើរលើសមត្ថភាព ទេពកោសល្យរបស់នាង ខណៈបានឃើញបង្ហាញស្នាដៃថ្មីក្នុងវិស័យសម្ដែងភាពយន្តជាលើកដំបូង ដែលនាងក្ដោបបានតំណែងជាតួស្រីក្នុងភាពយន្តខ្នាតធំដ៏រន្ធត់ព្រឺព្រួចមួយ គឺរឿង «សហាយព្រាយ»។
ភាពយន្តខ្នាតធំដែលជាស្នាដៃសម្ដែងលើកដំបូងរបស់បវរកញ្ញា អ៊ិន លក្ខិណា នេះដែរ បានសម្ភោធជាផ្លូវការហើយ ដែលធ្វើឱ្យមហាជនអ្នកគាំទ្ររបស់បវរកញ្ញារូបនេះ ចង់ទស្សនាស្នាដៃសម្ដែងរបស់នាង៕
សូមចុចទីនេះដើម្បីទស្សនាវីដេអូ៖
