បើនិយាយដល់តារាភាពយន្តល្បីឈ្មោះកាលពីចុងទសវត្សរ៍ទី ៨០ និង ទសវត្សរ៍ទី ៩០ អ្នកនាង សុខ ស្រីមុំ ក៏ស្ថិតនៅក្នុងតារាងលំដាប់ខ្ពស់នៃតារាភាពយន្តខ្មែរ ដែលមានភាពល្បីល្បាញខ្លាំងកាលពីជំនាន់នោះដែរ។ អ្នកនាង សុខ ស្រីមុំ មិនត្រឹមតែសម្តែងជាតួអង្គឯកប៉ុណ្ណោះទេ តែតារាភាពយន្តជើងចាស់រូបនេះ ក៏ជាតារាស្រីពូកែសម្តែងជាតួអង្គឆ្នាសឆ្នើមថែមទៀត។
ជាការពិត អតីតតារាភាពយន្តជើងចាស់អ្នកនាង សុខ ស្រីមុំ បានចាកចេញទៅរស់នៅឯសហរដ្ឋអាមេរិកអស់ជាច្រើនឆ្នាំមកហើយជាមួយនឹងស្វាមីទី ២ កាលពីអំឡុងឆ្នាំ ២០០០ ដោយស្វាមីរបស់អ្នកនាង គឺជាជនជាតិបរទេស និង ជាផលិតករភាពយន្តទៀតផង។
ដោយឡែក បើទោះជាចាកឆ្ងាយពីស្រុកកំណើតច្រើនឆ្នាំក្តី តែអ្នកគាំទ្រដែលស្គាល់អ្នកនាង សុខ ស្រីមុំ នៅតែបន្តតាមដានពីសកម្មភាពនៃការរស់នៅរបស់អ្នកនាងនៅឯសហរដ្ឋអាមេរិក តាមរយៈបណ្តាញសង្គម។ បច្ចុប្បន្ន អ្នកនាង សុខ ស្រីមុំ រស់នៅនៅរដ្ឋកាលីហ្វញ៉ា ពោរពេញដោយសុភមង្គល ខណៈអ្នកនាងរមែងបង្ហោះវីដេអូបង្ហាញពីជីវិតរស់នៅយ៉ាងរីករាយ។
ជាងនេះទៅទៀត អ្វីដែលចាប់អារម្មណ៍ បើទោះជាមានវ័យជ្រេយ៉ាងណាក្តី តែអ្នកស្រី សុខ ស្រីមុំ នៅតែស្រស់ស្អាត និង ក្មេងជាងវ័យទៅទៀត បើទោះជាអ្នកស្រីមានវ័យជាង ៥០ ឆ្នាំ ក្តី៕
សូមចុចទីនេះ ដើម្បីទស្សនាវីដេអូ
