បន្ទាប់ពីកម្មវិធី «កម្លាំងគោជល់» បើកបង្ហាញបេក្ខភាពជាបន្តបន្ទាប់ ពេលនេះការប្រកួតប្រជែងបញ្ញាយុទ្ធសាស្ត្រ និង កម្លាំងដ៏ធំបំផុត និង មានតែមួយគត់នៅប្រទេសកម្ពុជាបានចាប់ផ្ដើមហើយ ដោយបេក្ខភាពទំាងអស់បានមកជួបគ្នានៅលើទីលានប្រកួតដ៏ក្តៅគគុក និង ពោរពេញទៅដោយការប្រកួតប្រជែងគ្នាយ៉ាងស្វិតស្វាញ។
ជាការពិត កម្មវិធី «កម្លាំងគោជល់» បានរកឃើញបេក្ខភាពសរុបចំនួន ៤០ នាក់ មានសមត្ថភាព អាជីពខុសៗគ្នា និង មកពីតាមបណ្តាខេត្តនានាក្នុងប្រទេសកម្ពុជា ពួកគេបានមកជួបគ្នាជាលើកដំបូង ជាមួយនឹងការត្រៀមខ្លួនរួចរាល់សម្រាប់ការប្រកួតប្រជែងនៅវគ្គបន្តបន្ទាប់។
ជាក់ស្តែង នៅថ្ងៃទី ១៩ ខែកក្កដា ឆ្នាំ ២០២៥ កន្លងទៅនេះ កម្មវិធី «កម្លាំងគោជល់» បានឈានមកដល់សប្តាហ៍ទី ២ ហើយ ដែលជាសប្តាហ៍នៃការប្រកួតប្រជែងយកអាវជាបេក្ខជនពេញសិទ្ធិ ដើម្បីចូលរួមប្រកួតស្វែងរកអ្នកឈ្នះពាន និង ទឹកប្រាក់ ១ រយលានរៀល។
ក្នុងសប្តាហ៍ទី ២ នេះដែរ កម្មវិធី «កម្លាំងគោជល់» បានស្វែងរកឃើញបេក្ខជនពេញសិទ្ធិចំនួន ៩ នាក់ហើយ បន្ទាប់ពីឆ្លងកាត់វិញ្ញាសាផ្សេងៗជាបន្តបន្ទាប់ក្នុងទីលានប្រកួត ដូចជា វិញ្ញាសាកិន្នរ វិញ្ញាសា អាហ្វង់ និង វិញ្ញាសាវាយទម្ងន់។ ហើយនៅសប្តាហ៍ទី ៣ កម្មវិធីនឹងស្វែងរកបេក្ខជនពេញសិទ្ធិជាបន្តទៀត។
គួរជម្រាបថាកម្មវិធី «កម្លាំងគោជល់» នឹងមានផ្សាយជូនទស្សនានៅរៀងរាល់ថ្ងៃសៅរ៍ វេលាម៉ោង 6:30 នាទី ដល់ម៉ោង 8:00 នាទីយប់ នៅលើកញ្ចក់ទូរទស្សន៍ CTN និង ទំព័រហ្វេសប៊ុកផ្លូវការ Red Bull Cambodia៕
សូមទស្សនាវីដេអូខាងក្រោម ៖
