ថ្មីៗនេះ អ្នកលេងបណ្តាញសង្គមហ្វេសប៊ុក និង អ្នកគាំទ្រ ព្រមទាំងមិត្តក្នុងសិល្បៈ របស់តារាចម្រៀង លោក ណាន វីសារ ច្បាស់ជាបានជ្រាបមកហើយ នៃការរៀបចំមូលនិធិជួយដល់កងទ័ពជួរមុខកម្ពុជារបស់លោកដោយមានឈ្មោះថា «សំឡេង វីសារ ដើម្បីកងទ័ពកម្ពុជា»។ ក្នុងនោះដែរ មូលនិធិខាងលើក៏បានភ្ជាប់នូវពាក្យស្លោកយ៉ាងមានន័យថា «ច្រៀងដើម្បីជួយ-ឈ្នះដើម្បីជាតិ»។
ក្នុងនោះ មូលនិធិរបស់ លោក ណាន វីសារ បានចាប់ផ្តើមតាំងពីថ្ងៃទី ០៤ ខែតុលា ឆ្នាំ ២០២៥ កន្លងទៅ ដោយកម្មវិធីនេះ លោកធ្វើដំណើរតាមរយៈការជិះម៉ូតូច្រៀងពីភ្នំពេញ ទៅកាន់ខេត្តព្រះវិហារ ដោយឆ្លងកាត់ ៨ ខេត្ត និង ២២ ស្រុក តាមបណ្តោយផ្លូវជាតិលេខ ៥។
យ៉ាងណាមិញ កាលពីថ្ងៃទី ១៩ ខែតុលា ឆ្នាំ ២០២៥ នេះ កន្លងទៅ ពោលគឺរយៈពេល ១៦ ថ្ងៃនៃដំណើរជិះម៉ូតូច្រៀងរបស់លោក ណាន វីសារ បានបញ្ចប់ដោយជោគជ័យហើយ ដោយលោកបានធ្វើដំណើរទៅដល់គោលដៅខេត្តព្រះវិហារ។ ក្នុងនោះ លោក ណាន វីសា ក៏បានទៅជួបសួរសុខទុក្ខដល់កងកម្លាំងជួរមុខថែមទៀតផង។
ដោយឡែក ក្រោយបេសកកម្មបានជោគជ័យហើយនោះ លោក ណាន វីសារ បានធ្វើរឿងមួយទៀតឱ្យអ្នកគាំទ្រសរសើរដល់លោកយ៉ាងខ្លាំង ដោយលោកបានកោរសក់ ដើម្បីជាការរំឭកដល់ទាហាន ដែលបានពលីជីវិតនៅសមរភូមិថែមទៀតផង៕
សូមចុចទីនេះ ដើម្បីទស្សនាវីដេអូ៖
