ជុំវិញរឿងរ៉ាវរបស់បុគ្គលអ្នកលេងបណ្ដាញសង្គមល្បីឈ្មោះ ម៉ែវែប ដែលបានធ្វើ Content វីដេអូមួយលេងសើចទាក់ទងនឹងផ្លូវភេទជាសាធារណៈ កំពុងត្រូវបានមហាជនលើបណ្ដាញសង្កមផ្ទុះចែករំលែកវែកញែក និង បង្ហាញការរិះគន់មិនពេញចិត្តជាខ្លាំង។
ចំពោះវីដេអូដែលកំពុងផ្ទុះការរិះគន់ខ្លាំងនេះដែរ បុគ្គលអ្នកលេងបណ្ដាញសង្គមឈ្មោះ ម៉ែវែប បានលើកយកប្រធានបទដែលកំពុងផ្ទុះក្ដៅលើបណ្ដាញសង្គមទាក់ទងនឹងរឿងរ៉ាវរវាងប្ដីម្ចាស់ប្រ៊េន និង នារីជាកូនចៅនោះ មកធ្វើជាវីដេអូបែបលេងសើចតាងខ្លួននារីជាកូនចៅមានទំនាក់ទំនងជាមួយប្ដីម្ចាស់ប្រ៊េន ព្រមទាំងបង្ហាញសម្ភារៈទាក់ទងនឹងការរួមភេទជាសាធារណៈ ដែលមហាជនចាត់ទុកទង្វើនេះមិនសមរម្យអសីលធម៌ខ្លាំងប៉ះពាល់ដល់មនុស្សស្រី។
យ៉ាងណាមិញ ដ្បិតតែវីដេអូអសីលធម៌នេះ ត្រូវបានបុគ្គលឈ្មោះ ម៉ែវែប លុបចេញពីលើគណនីហ្វេសប៊ុករបស់ខ្លួនហើយមែន ប៉ុន្តែឃើញថាលើបណ្ដាញសង្គមទាំងមហាជន ក៏ដូចជាអ្នកក្នុងវិស័យសិល្បៈជាច្រើន បានចែករំលែកជាមួយមតិរិះគន់ខ្លាំងៗទៅកាន់បុគ្គលរូបនេះ។
ក្នុងនោះដែរ ក៏បានឃើញហ្វេសប៊ុកផេករបស់តារាប្រុស ហេង នរៈកក្កដា បានចេញវីដេអូលើកនិយាយជុំវិញរឿងវីដេអូ Content របស់បុគ្គល ម៉ែវែប ដោយលោកបានពន្លះខ្លាំងៗទៅកាន់បុគ្គលរូបនេះ ថាជាបុគ្គលអត់កេរ្តិ៍ខ្មាស អត់តម្លៃ ស្មោកគ្រោក និង បំពុលសង្គមបំផុត ចំពោះការបង្ហាញទង្វើអសីលធម៌មិនគួរមានលើបណ្ដាញសង្គមនាំឱ្យប៉ះពាល់ដល់ក្មេងៗ និង តម្លៃមនុស្សស្រីផងដែរ៕
សូមចុចទីនេះដើម្បីទស្សនាវីដេអូ៖
