កាលពីយប់ថ្ងៃទី ១៦ ខែកក្កដា ឆ្នាំ ២០២៥ កន្លងទៅនេះ លោក ឃុំ ប៉ុណ្ណាដែត ស្វាមីរបស់អ្នកនាង យក់ ថិតរដ្ឋា បានបង្ហោះវីដេអូមួយបកស្រាយនូវរឿង ៣ ចំណុច ដែលបង្កឱ្យមានការផ្ទុះវែកញែកពីភរិយា ក្រោយចូលរួមកម្មវិធី 3 Fun និង លើកយកពីសិស្សប្អូនមួយរូបមកដោយមិនបញ្ចេញឈ្មោះ។
ក្នុងនោះ លោក ឃុំ ប៉ុណ្ណាដែត បានសង្កត់ធ្ងន់ថា មូលហេតុដែលធ្វើឱ្យភរិយាបង្ហោះសារ និង ឈានដល់ការអញ្ជើញឡើងកម្មវិធីនោះ ព្រោះសិស្សប្អូនរូបនោះប្រើពាក្យថា ៖ «ប្រពន្ធបងកុំនិយាយតម្លៃជាមួយខ្ញុំ តម្លៃប្រពន្ធបងមិនស្មើតម្លៃពាក់កណ្តាលរបស់ខ្ញុំផង»។
ដោយឡែក អ្នកលេងបណ្តាញសង្គមហ្វេសប៊ុក ក៏បានឃើញកញ្ញា ញឹម ច័ន្ទថន បានចេញមកបង្ហោះសំណេរយ៉ាងវែងអន្លាយ ដែលសារនោះបានប្រទាក់ក្រឡាគ្នានឹងវីដេអូរបស់លោក ឃុំ ប៉ុណ្ណាដែត ដែរ។
កញ្ញា ញឹម ច័ន្ទថន បានរៀបរាប់ថា ៖ «សួស្ដីបងប្អូនទាំងអស់គ្នា! ឃើញឥលូវកំពុងតែសប្បាយលេងរបស់គេហើយ ស ទៅជា ខ្មៅ លេងខ្វល់អ្វីល្អ អ្វីអាក្រក់ អស់ហើយ! សម្រាប់មនុស្សមួយចំនួន តែៗស្ករៗមែនសម័យនេះ! ឥលូវនេះ ខ្ញុំចង់និយាយអីការពិតមិនចង់ល្បីស្អីទេ! ខ្ញុំល្បីឆ្អែតហើយ ប្រឹងឆ្អែតហើយ កុំថាខ្ញុំចង់តោងល្បី ប្រហែលជាប្អូនជំនាន់នេះអត់ស្គាល់ តែបើម៉ែ មីង អ៊ំ ពូ ប្អូន ក្មួយមុនៗ អាចស្គាល់ ហើយខ្ញុំក៏មិនមែនជាអ្នកបំពុលសង្គមដែរ! បើនិយាយសិល្បៈចង់ ៣០ ឆ្នាំ មិនដែលមានរឿងអាស្រូវទេចាស! ពេលដែលខ្ញុំមិនតបមិនតមិនមែនខ្ញុំខ្លាចទេ! ការស្ដាប់សំឡេងមានហេតុមានផល កុំយកតែសំឡេងម្ខាងឱ្យខាងនោះស្ដាប់ ហើយគិតថាខាងនេះអាក្រក់! បើនាងល្អឱ្យគេស្ដាប់ពេញទាំងឆ្លងឆ្លើយទៅ ឬមួយលុបអស់ហហើយទេដឹង? ហើយគិតថាខាងនេះ អត់មានវ៉យហ្នឹងមែន? គ្រាន់គេមិនចង់បញ្ចេញ ព្រោះមិនចង់វែងឆ្ងាយ តែឥលូវនាងធ្វើឱ្យវាវែងឆ្ងាយ ហើយមួយទៀត ឮហើយចង់សើច! ហៅគេច្រៀងជាមួយគេអត់ច្រៀង ខឹងគេ ដៀលគេ! សុទ្ធថាគោរពសិស្សច្បង ស្រលាញ់ណាស់! តែដៀលសិស្សច្បងពេញៗមាត់ ខ្ញុំស្គាល់ចរិតអ្នកឯងច្បាស់ណាស់! មីសិស្សប្អូនសម្ដីផ្អែមតែពិសពុល ចង់ឱ្យគេច្រៀងជាមួយ តែឱ្យតម្លៃច្រៀងគេថោក! ដល់អត់ត្រូវថ្លៃថាគេមិនស្មើ ៥០% ខ្លួនឯងផង! និយាយជាន់កែងខ្លួនឯង ចេះធ្វើអ៊ីចឹងបានទៀត លេងខូចគេម្ល៉េះ? ពីមុនហៅគេច្រៀងជាមួយ ដោយសារចង់ទ្បូយប្លែកជាងហ្នឹងដែរតើហ្ហី? បើគេមិនមានសមត្ថភាព ស្មានហៅគេច្រៀង! សុំសួរតិចមើល ខាងណាជាអ្នកជួយខាងណា! បើហៅគេមកជួយនៀក! អ៊ីចឹងខាងនេះជំពាក់គុណវិញមែន? អត់យល់! ឥលូវអត់ទាន់អស់ទេ ចង់ដឹងបន្ដចាំសួរ ឬ ឆាតសួរបង ដែត ថែមទៀតក៏បានច្បាស់ៗជាង «សូមតែគុណភាព» អរគុណបងប្អូន បើខ្ញុំនិយាយខុសកន្លែង សុំទោសទុកជាមុន សូមពិភាគដោយពិចារណា មួយៗច្បាស់»៕
