មុខស្អាតតែខាងក្នុងមិនកើត ប្រាកដណាស់គេនឹងនិយាយពាក្យថា «មនុស្សស្អាត តែចរិតអន់!»។ ជាការពិតណាស់ សម្រាប់បុរសមិនថាមុខមាត់ស្អាតសង្ហាប៉ុនណា បើមានមារយាទឬចរិតឫកពា ៥ យ៉ាងនេះក្នុងខ្លួន ធានាថាស្រីៗដឹងតែមិនយកខ្លួនក្បែរឡើយ។
១. ខ្វះការគោរព
នៅពេលដែលបង្ហាញការមិនគោរព មិនថាតាមរយៈពាក្យសម្តី កាយវិការឬសកម្មភាព វានឹងធ្វើឱ្យខូតខាតដល់គ្រឹះចម្បងនៃទំនុកចិត្ត និង ការស្រលាញ់។ ដោយគ្មានការគោរព ទោះរូបរាងស្រស់សង្ហាប៉ុនណា ស្នេហាក៏មិនអាចនៅឋិតឋេរបានដែរ។
២. មិនចេះយល់ចិត្ត
ទំនាក់ទំនងស្នេហាអាចរីកចម្រើនបាន វាអាស្រ័យទៅលើការមានអារម្មណ៍ភ្ជាប់គ្នាទៅវិញទៅមក។ ដៃគូរបស់អ្នកនឹងត្រូវការការយល់ចិត្ត ការគាំទ្រ និង ការមើលថែ ដែលវានឹងធ្វើឱ្យក្តីស្រលាញ់ស៊ីជម្រៅខ្លាំង ជាជាងការស្រលាញ់តែរូបសម្រស់។ និយាយឱ្យចំ បើមិនមានចំណុចនេះ ស្រីៗស្រលាញ់បានតែដំបូងប៉ុណ្ណោះ។
៣. មិនគួរឱ្យទុកចិត្ត
ប្រសិនបើអ្នកតែងតែបំពានពាក្យសន្យា ឬធ្វើអ្វីមួយដែលបំផ្លាញដល់ការជឿជាក់ វាគឺអាវុធចម្បងដែលបំផ្លាញទំនុកចិត្ត។ ដោយគ្មានទំនុកចិត្ត ដៃគូនឹងមានអារម្មណ៍ទំនាក់ទំនងគ្មានភាពសំខាន់ ហើយរកលេសចែកផ្លូវឱ្យបានឆាប់បំផុត។
៤. អាត្មានិយម
ដូចគេថាស្នេហា គឺជាការលះបង់ និង ធ្វើដើម្បីគ្នាទៅវិញទៅមក។ បើអ្នកផ្តោតតែលើតម្រូវការតែម្ខាង វានឹងធ្វើឱ្យដៃគូមានអារម្មណ៍មិនត្រូវបានគេយកចិត្តទុកដាក់។ គួរផ្តល់ភាពចម្បង និង បំពេញឱ្យគ្នាទៅវិញទៅមក ដែលវានឹងធ្វើឱ្យទំនាក់ទំនងស្នេហាកាន់រឹងមាំឡើង រីឯបុគ្គលរៀងខ្លួនក៏នឹងមានអារម្មណ៍ថាខ្លួនត្រូវបានឱ្យតម្លៃ។
៥. ប្រចណ្ឌហួសហេតុ
ការប្រចណ្ឌហួសហេតុឬបង្ហាញអាកប្បកិរិយាគ្មានសុវត្ថិភាពក្នុងទំនាក់ទំនង អាចនាំឱ្យដៃគូមានអារម្មណ៍ធុញថប់។ ជាក់ស្តែង រឿងខ្លះ ហាក់មិនមានអ្វីត្រូវប្រចណ្ឌ តែក៏ប្រចណ្ឌរករឿងដោយមិនសមហេតុផល។ ដូចនេះ វាពិតជាសំខាន់ដែលត្រូវជឿជាក់លើដៃគូ និង ផ្តល់ពេលវេលាផ្ទាល់ខ្លួនដល់រូបគេខ្លះ៕
