កាលពីថ្ងៃទី ៦ ខែវិច្ឆិកា ឆ្នាំ ២០២៥ កន្លងទៅ សារព័ត៌មាន Khaosod បានទម្លាយថា ភាគីថៃនឹងដោះលែងទាហានខ្មែរទាំង ១៨ នាក់មកវិញ នៅថ្ងៃទី ១២ ខែវិច្ឆិកា ឆ្នាំ ២០២៥ ខាងមុខនេះ តាមរយៈច្រកផាក់កាត នាខេត្តចន្ទបុរី។
ដោយឡែក ក្រោយពីនោះនៅទីបញ្ជាការកងទ័ពភូមិន្ទថៃ ឧត្តមសេនីយ៍ឯក វីនថៃ ស៊ូវ៉ារី ជាអ្នកនាំពាក្យរបស់កងយោធាបានទម្លាយឱ្យដឹងថា ការដោះលែងទាហានខ្មែរទាំង ១៨ នាក់នេះ កំពុងស្ថិតលើការពិចារណា និងរៀបចំនៅឡើយ ដែលពេលវេលាដែលអាចដោះលែងបាន គឺបន្ទាប់ពីការដកអាវុធធុនធ្ងន់នៅដំណាក់កាលទី ១ អស់ និង ការមិនរំខានដល់ការងារសម្អាតមីននៅក្នុងតំបន់ដែលធ្វើការ។
យ៉ាងណាមិញ គិតមកទល់ពេលនេះ ខាងទាហានទាំង ១៨ នាក់របស់កម្ពុជា ត្រូវបានភាគីថៃល្មើសបទឈប់បាញ់ និងចាប់ខ្លួនទៅអស់រយៈពេលជាង ៣ ខែមកហើយ ដោយមិននឹកនាដោះលែងវិញនៅឡើយ ទោះបីជាខាងកម្ពុជា និងអាមេរិកបានទទូចសុំឱ្យដោះលែងយ៉ាងណាក៏ដោយ៕
ប្រភព៖ Khaosod
