សារព័ត៌មាន Khaosod បានរាយការណ៍ពីករណីអគ្គិភ័យមួយ ដែលកើតនៅក្នុងផ្សារមួយកន្លែង ដោយសារតែការផ្ទុះហ្គាស ដែលបណ្តាលឱ្យខូចខាតតូបលក់ដូរអស់ជាង ៣០ តូប។
តាមព័ត៌មានបានឱ្យដឹងថា ហេតុការណ៍បានកើតឡើងនៅម៉ោងប្រមាណ ១០ និង ១០ នាទីយប់ នាថ្ងៃទី ១៩ ខែតុលា ឆ្នាំ ២០២៥ កន្លងទៅនេះ នៅផ្សារមួយកន្លែងនៅមុខវត្តសុធនវរ៉ារាម ឃុំណាមឿង ស្រុកមឿងឆាក់ឈើងសៅ ខេត្តឆាក់ឈើងសៅ។ តាមការសន្និដ្ឋាន អគ្គិភ័យបានឆាបឆេះចេញពីហ្គាសដែលមានអ្នកបើកចោលនៅក្នុងផ្សារនោះ ហើយក៏បានរាលដាលដល់ពាសពេញក្នុងផ្សារ បណ្តាលឱ្យភ្លើងត្របាក់អស់តូបលក់ដូរប្រមាណជាង ៣០ តូប។
យ៉ាងណាមិញ អាជ្ញាធរបានចុះអន្តរាគមន៍ ដោយប្រើឡានពន្លត់អគ្គិភ័យអស់ចំនួន ៥ គ្រឿង និងប្រើពេលវេលាអស់ជាង ២០ នាទី ទើបអាចពន្លត់ភ្លើងបានសម្រេច។ ដោយឡែក នៅពេលនេះតម្លៃនៃការខូតខាតទាំងមូល ក៏ដូចជាមូលហេតុនៃការឆេះពិតប្រាកដ នៅមិនទាន់មានការរាយការណ៍នៅឡើយទេ៕
ប្រភព៖ Khaosod
