ថ្មីៗនេះ មហាជនមានការហួសចិត្តជាថ្មី ទៅលើទង្វើរបស់ Gun Jompalang ដែលបានបើកសំឡេងខ្មោចព្រាយបំពងទាំងកណ្តាលយប់ ក្នុងបំណងបំភ័យប្រជាជននៅភូមិព្រៃចាន់ និងភូមិជោគជ័យឱ្យបាក់ស្បាត និងចាកចេញពីទីនោះ។
យ៉ាងណាមិញ ទង្វើដ៏អសីលធម៌ខាងលើនេះ ត្រូវបានគាំទ្រដោយនាយ Benjapol Dechatiwong Na Ayutthaya មេបញ្ជាការកងកម្លាំងទាហាបូរ៉ាផា ដោយមេបញ្ជាការរូបនេះបានបោះសម្តីដូច្នេះថា ខ្លួនមិនខ្វល់អំពីបណ្តឹងរបស់កម្ពុជាទាក់ទងនឹងការបើកសំឡេងបំពងនោះទេ ព្រោះបានបើកនៅលើទឹកដីថៃ ម្យ៉ាងទៀតគឺដើម្បីពញ្ញាក់ស្មារតីឱ្យទាហានដែលយាមវេនយប់ ដូច្នេះហើយបើចង់ប្តឹងក៏ប្តឹងទៅ ខ្លួនមិនខ្ចីខ្វល់នោះទេ។
នាយទាហានរូបនេះ បានបញ្ជាក់ទៀតថា នឹងលែងមានការចរចាទៀតហើយ លុះត្រាតែកម្ពុជាបង្ហាញយ៉ាងច្បាស់នូវភាពស្មោះត្រង់របស់ខ្លួនក្នុងការចរចាលើបញ្ហាដែលបានស្នើឡើងដោយប្រទេសថៃ៕
ប្រភព៖ Khaosod
