នៅថ្ងៃទី ១០ ខែតុលា ឆ្នាំ ២០២៥ នេះ នាយឧត្តមសេនីយ៍ឯក Seksan Kantha មេបញ្ជាការកងទ័ពជើងអាកាសថៃ បានប្រកាសថា កងទ័ពទាំងអស់បានត្រៀមខ្លួនអស់ហើយ ចំពោះជម្លោះព្រំដែនកម្ពុជា-ថៃ បើសិនជាមានការប៉ះទង្គិចជាលើកទីពីរ។
នាយឧត្តមសេនីយ៍ឯករូបនេះ បានលើកឡើងពីស្ថានភាពព្រំដែនកម្ពុជា-ថៃ ដែលកំពុងតែកើតកម្តៅសាជាថ្មីថា ខ្លួនបានចេញគោលនយោបាយមួយជារួមថា កងទ័ពទាំងអស់ត្រូវតែត្រៀមខ្លួនឱ្យរួចរាល់ បើសិនជាមានហេតុការណ៍មិននឹកស្មានកើតឡើង នោះនឹងត្រូវតែតបតដាច់ខាត ហើយកងទ័ពត្រូវតែធ្វើតាមបញ្ជា។
ចុងក្រោយនាយឧត្តមសេនីយ៍ឯក Seksan Kantha បានទម្លាយទាក់ទងនឹងកិច្ចប្រជុំរបស់មេបញ្ជាការកងកម្លាំងប្រដាប់អាវុធថា បានពិភាក្សារួមទាំងរឿងនៅភូមិបានណងចាន់ ចំណែកព័ត៌មានលម្អិតយ៉ាងណានោះ គឺអង្គភាពនៅលើអង្គភាពដែលទទួលខុសត្រូវលើបញ្ហានេះ៕
ប្រភព៖ Khaosod
