សង្គមការងារក្នុងសម័យទំនើប កន្លែងធ្វើការមួយចំនួនហាក់មានសម្ពាធខ្លាំង រហូតធ្វើឱ្យបុគ្គលិកកើតស្ត្រេសរុំារ៉ៃ ឬ បើធ្ងន់ធ្ងរអាចវិវឌ្ឍន៍ទៅរកបញ្ហាផ្លូវចិត្តដោយមិនដឹងខ្លួន។ បើសម្គាល់ឃើញមិត្តរួមការងារ ឬ ជាពិសេសខ្លួនឯង កំពុងស្ថិតក្នុងស្ថានភាពណាមួយនៃប្រភេទបុគ្គលិកខាងក្រោម គួរគប្បីប្រញាប់រំដោះខ្លួនចេញ ពុំដូច្នោះទេបើកភ្នែកឡើងអ្នកអាចនឹងនៅក្នុងមន្ទីរពេទ្យវិកលចរិតក៏ថាបាន។
១. បុគ្គលិកកើតស្ត្រេសរុំារ៉ៃ ៖ ភាពតប់ប្រមល់នៅកន្លែងធ្វើការអាចឆ្ពោះទៅរក ខួរក្បាលលែងមានថាមពល កើតជំងឺថប់បារម្ភ និង ជំងឺបាក់ទឹកចិត្ត។ បុគ្គលិកដែលតែងមានសម្ពាធជាប្រចាំ និង កង្វះការគាំទ្រ យូរៗទៅនឹងកើតជាស្ត្រេសរុំារ៉ៃ ធ្វើឱ្យពួកគេប្រឈមបញ្ហាផ្លូវចិត្ត។
២. បុគ្គលិកឯកោ ៖ បុគ្គលិកដែលចាប់ផ្តើមនៅដោយឡែកពីគេ ឬ ដកខ្លួនចេញពីសង្គម ខ្លាចមនុស្ស ខ្លាចការណាត់ជួប ខ្លាចការប្រជុំ ឬ ខ្លាចការជួបជុំក្រុមការងារ អាចជាសញ្ញានៃជំងឺបាក់ទឹកចិត្ត ជំងឺថប់បារម្ភ ឬ បញ្ហាសុខភាពផ្លូវចិត្តផ្សេងទៀត។
៣. បុគ្គលិកឆេវឆាវ ៖ សំដៅដល់អ្នកដែលផ្លាប់ប្តូរអាកប្បកិរិយាភ្លាមៗ ដូចជា ឆាប់ខឹង កម្រោលចូល ទប់អារម្មណ៍មិនជាប់ ដែលហាក់ប្លែកពីសព្វដង។ ទាំងនេះជាសញ្ញាបង្ហាញថាពួកគេកំពុងលង់ជ្រៅទៅនឹងបញ្ហាផ្លូវចិត្ត។
៤. បុគ្គលិកលែងសកម្ម ៖ ការធ្លាក់ចុះនៃផលិតភាព លែងផ្តោតការយកចិត្តទុកដាក់ និង បង្កើតកំហុសច្រើន ឬ លែងចាប់អារម្មណ៍នឹងការងារ វាជាសញ្ញាវិវឌ្ឍន៍ទៅរកបញ្ហាផ្លូវចិត្ត ដូចជាកើតជំងឺថប់បារម្ភជាដើម៕
