ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រកំពូលតារាចម្រៀង ឱក សុគន្ធកញ្ញា បាន និង កំពុងចាប់អារម្មណ៍នូវឈុតសម្លៀកបំពាក់ ២ ឈុតរបស់អ្នកនាង ដែលបានគ្រងក្នុងការសម្តែងលើឆាកមហាសន្និបាតហុងស៊ុយអន្តរជាតិ លើកទី ២១ កាលពីថ្ងៃទី ១៧ ខែវិច្ឆិកា ឆ្នាំ ២០២៥ កន្លងទៅ។
ក្នុងនោះ មូលហេតុ ដែលឈុតអ្នកនាង ឱក សុគន្ធកញ្ញា បានគ្រង និង ទទួលបានការចាប់អារម្មណ៍នោះ ក៏ព្រោះតែឈុតទាំង ២ បានច្នៃឡើងដោយហូលផាមួងខ្មែរ អមដោយគំនិតច្នៃប្រឌិតម៉ូតដ៏ទាក់ទាញ ដោយមានទាំងបុរាណ និង សហសម័យយ៉ាងស្រស់សោភា ដែលជាការច្នៃម៉ូដឡើងដោយអ្នកច្នៃម៉ូដល្បី គឺ សុផល កាត់ដេរ និង សម្អាងការ ណុប ដាណេ។
ជាការពិតណាស់ នេះមិនមែនជាលើកដំបូងនោះឡើយ ដែលអ្នកនាង ឱក សុគន្ធកញ្ញា ទទួលបានការចាប់អារម្មណ៍ខ្លាំង បន្ទាប់ពីបានគ្រងឈុតសម្លៀកបំពាក់ ដែលច្នៃឡើងដោយ អ្នកច្នៃម៉ូដល្បីទាំង ២ រូបខាងលើ ពោលគឺមានឈុតសម្លៀកបំពាក់ច្រើនមកហើយ ដែល សុផល កាត់ដេរ និង សម្អាងការ ណុប ដាណេ បានរៀបចំយ៉ាងពិសេសជូន កំពូលតារាចម្រៀងរូបនេះ។ ក្នុងនោះ មួយឈុតៗ គឺច្នៃមកមួយដឹងមួយ ស្អាតប្លែកមិនជាន់គ្នានោះឡើយ៕
