សារព័ត៌មាន SAOstar បានរាយការណ៍ពីករណីរបស់ស្រ្តីជនជាតិចិនម្នាក់ ដែលមានរឿងចម្រូងចម្រាស់ជាមួយនឹងធនាគារ ដោយសារខាងធនាគារមិនព្រមប្រគល់ប្រាក់មរតក ដែលប្តីនាងបានទុកនៅក្នុងកុងឱ្យមុននឹងស្លាប់។
តាមព័ត៌មានបានឱ្យដឹងថា បុរសជាប្តីបានបើកកុងធនាគារសន្សំលុយនៅក្នុងធនាគារមួយអស់រយៈពេល ៥ ឆ្នាំ ហើយក្រោយពីដឹងថាខ្លួនមានជំងឺកាចសាហាវមក បុរសរូបនេះក៏បានធ្វើបណ្តាំមរតកដើម្បីប្រគល់ទ្រព្យសម្បត្តិ និង លុយទាំងអស់នៅក្នុងកុងនោះដែលមាន ១.៩ យ័ន ឬស្មើប្រហែល ២៦ ម៉ឺនដុល្លារឱ្យទៅស្រ្តីជាប្រពន្ធ។
ក្រោយមកស្រ្តីជាប្រពន្ធក៏បានយកឯកសារដែលពាក់ព័ន្ធទាំងអស់ទៅធនាគារ មានទាំងបណ្តាំមរតក សំបុត្រអាពាហ៍ពិពាហ៍ ដើម្បីធ្វើការស្នើសុំដកលុយនៅក្នុងកុងនោះ តែត្រូវខាងធនាគារបដិសេធដោយអះអាងថា នាងគ្មានសំបុត្របញ្ជាក់ពីតុលាការត្រឹមត្រូវថាជាអ្នកស្នងមរតក។
ដោយឡែក ស្រ្តីជាប្រពន្ធក៏បានដាក់ពាក្យបណ្តឹងទៅកាន់តុលាការ ហើយតុលាការក៏បានធ្វើការត្រួតពិនិត្យភស្តុតាងឯកសារទាំងអស់ដែលនាងមានឡើងវិញទៅតាមផ្លូវច្បាប់ ទើបចុងក្រោយក៏ចេញប្រកាសឱ្យខាងធនាគារប្រគល់ប្រាក់នៅក្នុងកុងនោះ រួមទាំងប្រាក់ការទាំងអស់ឱ្យទៅស្រ្តីជាប្រពន្ធ៕
ប្រភព៖ Kapook
