និយាយពីបវរកញ្ញាដ៏មានសក្ដានុពលកញ្ញា ពេជ្រ វត្តីសារ៉ាវឌ្ឍី បានធ្វើឱ្យមហាជនអ្នកគាំទ្រវិស័យបវរកញ្ញារំភើប និង ចាប់អារម្មណ៍តាមដានជាថ្មី ខណៈនាងបានចាប់យកក្ដីស្រមៃថ្មីក្នុងវិស័យបវរកញ្ញាម្ដងទៀត គឺបង្ហាញវត្តមានជាបេក្ខភាពផ្លូវការនៃកម្មវិធី Miss Universe Cambodia 2025។
ជាមួយនឹងការបង្ហាញខ្លួនក្នុងវិស័យបវរកញ្ញាជាបេក្ខភាព MUC 2025 នេះដែរ ពេជ្រ វត្តីសារ៉ាវឌ្ឍី ទទួលបានការគាំទ្រពេញចិត្តខ្លាំងពីមហាជនជាច្រើន ដែលមើលឃើញពីសមត្ថភាពពេញដោយបទពិសោធរបស់នាង ព្រមទាំងមានការរំពឹងថានាងអាចនឹងដណ្ដើមបានជ័យលាភីអាចឈរលើឆាកអន្តរជាតិម្ដងទៀត។
យ៉ាងណាមិញ ដ្បិតតែជាបវរកញ្ញាមានបទពិសោធ និង ធ្លាប់ឆ្លងកាត់ការប្រកួតប្រជែងច្រើន តែសម្រាប់ការប្រកួតកម្មវិធី Miss Universe Cambodia ឆ្នាំ ២០២៥ នេះ ពេជ្រ វត្តីសារ៉ាវឌ្ឍី ប៉ះសុទ្ធតែជើងខ្លាំងមានទាំងបទពិសោធ និង សមត្ថភាពមិនចាញ់គ្នាឡើយ ដែលពេលនេះ នាងក៏កាន់តែពង្រឹងសមត្ថភាពរបស់ខ្លួន ខណៈឃើញខំប្រឹងហ្វឹកហាត់បន្ថែមទាំងការដើរ និង ថែរក្សារូបសម្រស់រូបរាងកាន់តែលេចធ្លោជាងមុនទៀត៕
