នៅថ្ងៃទី ៣១ ខែតុលា ឆ្នាំ ២០២៥ នេះ អគ្គនាយក CMAC ឯកឧត្តម ហេង រតនា បានជូនដំណឹងពីការបោសសម្អាតសំណល់យុទ្ធភណ្ឌសង្គ្រាមដែលជាគ្រាប់ផ្លោង ស្ថិតនៅទិសឃុំស្រអែម ស្រុកជាំក្សាន្ត ខេត្តព្រះវិហារ។
ឯកឧត្តមអគ្គនាយក បានបញ្ជាក់ឱ្យបានដឹងថា នៅថ្ងៃទី ៣០ ដល់ព្រឹកថ្ងៃទី ៣១ ខែតុលា ឆ្នាំ ២០២៥ នេះ នៅទិសឃុំស្រអែម ស្រុកជាំក្សាន្ត ខេត្តព្រះវិហារ កម្លាំងអង្គភាព CMAC បានបោសសម្អាតសំណល់យុទ្ធភណ្ឌសង្គ្រាមដែលជាគ្រាប់ផ្លោង ធ្លាក់ចំផ្លូវក្រាលគ្រួសក្រហម ដោយលោកនឹកស្មានតែជម្រៅរាក់ៗ តែជាក់ស្ដែងជម្រៅនៃគ្រាប់នេះ មានរង្វាស់ប្រមាណជាង ៤-៥ ម៉ែត្រដែលតម្រូវឱ្យក្រុមការងារ ចំណាយពេលវេលាដោះបន្សាបសុវត្ថិភាពពេញមួយថ្ងៃតែម្ដង។
សូមរំឭកផងដែរថា នៅថ្ងៃទី ៣១ ខែតុលា ឆ្នាំ ២០២៥ នេះ មជ្ឈមណ្ឌលសកម្មភាពកំចាត់មីនកម្ពុជា CMAC ក៏បានចេញសេចក្ដីប្រកាសព័ត៌មាន ពាក់ព័ន្ធនឹងករណីគ្រោះថ្នាក់ផ្ទុះគ្រាប់ ស្ថិតនៅភូមិបង្គោល៨ ឃុំស្រអែម ស្រុកជាំក្សាន្ត ខេត្តព្រះវិហារផងដែរ កាលពីវេលាម៉ោង ១៧ និង ២០ នាទី ថ្ងៃទី ២៥ ខែតុលា ឆ្នាំ ២០២៥ ដែលបានបណ្តាលឱ្យកុមារា សឿន សុវណ្ណ អាយុ ១០ ឆ្នាំ(កូន) បានស្លាប់ និង លោក សៀន ស៊ុន អាយុ ៤៣ ឆ្នាំ (ឪពុក) រងរបួសធ្ងន់៕
