កាលពីយប់ថ្ងៃទី ១០ ខែកក្កដា ឆ្នាំ ២០២៥ កន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេស អ្នកនិយមស្នេហាវិស័យបវរកញ្ញា កំពុងមានការសោកស្តាយយ៉ាងខ្លាំង ក្រោយទទួលបានដំណឹងមរណភាពរបស់ម្ចាស់ផេក Yellow oji ដែលជាផេកផ្សព្វផ្សាយ និង លើកពីវិស័យបវរកញ្ញាកម្ពុជា។ ក្នុងនោះ ផេកដែលតែងតែជជែកពីបវរកញ្ញា Yellow oji នេះដែរ គឺជាការគ្រប់គ្រងរបស់លោក លី គឹមហុង។
ក្នុងនោះ លោក លី គឹមហុង បានទទួលមរណភាពក្នុងវ័យ ៣២ ឆ្នាំ ដោយលោក លី គឹមហុង មានជំងឺសួតធ្ងន់ធ្ងរ។ នេះបើតាមការឆ្លើយតបខមមិនលើហ្វេសប៊ុកពីអ្នកស្និទ្ធស្នាល និង បានអញ្ជើញចូលរួមពិធីបុណ្យសពរបស់លោក។
ក្រោយទទួលដំណឹងដ៏សោកសៅមួយនេះ អ្នកលេងបណ្តាញសង្គមហ្វេសប៊ុក ក៏ដូចជាបវរកញ្ញាជាច្រើនបានចូលរួមរំលែកទុក្ខដល់ក្រុមគ្រួសារលោក លី គឹមហុង និង បង្ហាញការសោកស្តាយនៃធនធានមួយរូប ដែលតែងមានសកម្មភាពចូលរួមលើកស្ទួយវិស័យបវរកញ្ញាកម្ពុជាយ៉ាងច្រើន។
គួរជម្រាបថា ពិធីបូជាសពលោក លី គឹមហុង នឹងធ្វើឡើងនៅវត្តកប់ស្រូវ ខណ្ឌព្រែកព្នៅ រាជធានីភ្នំពេញ វេលាម៉ោង ១ និង ៣០ នាទីរសៀល នៅថ្ងៃទី ១១ ខែកក្កដា ឆ្នាំ ២០២៥ នេះ៕
